ന്യൂഡല്‍ഹി: ഇന്ത്യയിലെ കൊവിഡ്​ ബാധിതരുടെ എണ്ണം 63 ലക്ഷം (63,12,585) കടന്നു. രാജ്യത്ത്​ 24 മണിക്കൂറിനകം 86,821പുതിയ കേസുകള്‍. 1,181​ മരണംകൂടി റിപ്പോര്‍ട്ട് ചെയ്തതോടെ ആകെ മരണം 98,678 ആയി. മരണനിരക്ക്​ 1.56 ശതമാനമാണ്​. 9.4 ലക്ഷം പേരാണ് നിലവില്‍ ചികിത്സയിലുള്ളത്​. 52,73,202 പേര്‍ രോഗമുക്തി നേടി. ​ രോഗമുക്തി നിരക്ക്​ 83.53 ശതമാനം.

രാജ്യത്ത്​ പുതിയ കൊവിഡ്​ കേസുകള്‍ കുറയുന്നതും രോഗമുക്തി നിരക്ക്​ ഉയരുന്നതും പ്രതീക്ഷ നല്‍കുന്നുവെന്ന്​ കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു.

മുതിര്‍ന്ന കോണ്‍ഗ്രസ് നേതാവും രാജ്യസഭാംഗവുമായ അഹമ്മദ് പട്ടേലിന് കൊവിഡ് സ്ഥിരീകരിച്ചു.