മലയിന്‍കീഴ്: മാറനല്ലൂര്‍ കൂവളശ്ശേരി മഹാദേവര്‍ ക്ഷേത്രത്തിലെ ഓഫീസ് മുറി കുത്തിത്തുറന്ന് അലമാരയില്‍ സൂക്ഷിച്ചിരുന്ന 11,​500 രൂപ കവര്‍ന്നു.

ബുധനാഴ്ച വഴിപാടുകളിലൂടെ കിട്ടിയതായിരുന്നു ഈ തുക. ഇന്നലെ രാവിലെ ഓഫീസ് മുറി തുറക്കാനെത്തിയ ജീവനക്കാരനാണ് ആദ്യം മോഷണവിവരം അറിയുന്നത്. ക്ഷേത്രനുള്ളിലെ കാണിക്കവഞ്ചി കുത്തിത്തുറന്നെങ്കിലും അകത്തെ പൂട്ട് പൊളിക്കാന്‍ കഴിയാത്തതിനാല്‍ പണം നഷ്ടമായില്ല.

വിവരമറിഞ്ഞെത്തിയ ക്ഷേത്ര ഭാരവാഹികള്‍ മാറനല്ലൂര്‍ പൊലീസില്‍ പരാതി നല്‍കി. സി.ഐ തന്‍സീം അബ്ദുള്‍ സമദിന്റെ നേതൃത്വത്തില്‍ സ്ഥലത്തെത്തി പരിശോധന നടത്തി.