മെയിൻ സ്വിച്ച്‌ ഓഫാക്കിയ ശേഷം സ്വിച്ച്‌ ബോ‌ർഡുകള്‍ അഴിച്ചുമാറ്റി ഇലക്‌ട്രിക് വയറുകള്‍ ഊരിയെടുത്തു. 6 ഡി.ബി ബോക്സുകള്‍ ഇളക്കിമാറ്റി അവയുടെ വയറുകളും എടുത്തിട്ടുണ്ട്.

ഈ മാസം 18നും 26നുമിടെയാണ് മോഷണം നടന്നതെന്ന് തൃക്കാക്കര പൊലീസ് പറഞ്ഞു. 25,000 രൂപയുടെ നഷ്ടം കണക്കാക്കുന്നു. മാർച്ചില്‍ ചേരാനല്ലൂരില്‍ പൂട്ടിക്കിടക്കുന്ന വീട്ടിലും സമാനമോഷണം നടന്നിരുന്നു, ഇലക്‌ട്രിക് വയറുകള്‍ ഊരിയെടുത്ത് അവയിലെ കമ്പികള്‍ ഇളക്കിമാറ്റി ആക്രിക്കടകളില്‍ വില്‍ക്കുന്നവരാണ് പിന്നിലെന്നാണ് സൂചന.

കഴിഞ്ഞദിവസം വൈപ്പിനിലെ സ്വകാര്യകപ്പല്‍ അറ്റകുറ്റപ്പണിശാലയില്‍ 1.86 ലക്ഷം രൂപയുടെ ചെമ്പ് ഉപകരണങ്ങള്‍ മോഷണം പോയി. വൈപ്പിൻ സീ ബ്ലൂ ഷിപ്പ്‌ യാ‌ർ‌ഡ് വളപ്പിലെ ഫയർആൻഡ് സേഫ്റ്റി സ്റ്റോർ റൂമില്‍ സൂക്ഷിരുന്ന ചെമ്പ് നിർമ്മിത 29 കപ്പ്ളിംഗ്സും 2 നോസില്‍സുമാണ് കവർന്നത്. സീനിയർ മാനേജരുടെ പരാതിയില്‍ മുളവുകാട് പൊലീസ് കേസെടുത്തു.