പത്തനംതിട്ട: പ്രവർത്തന യോഗ്യമല്ലാത്തതിനാല്‍ മിനി സിവില്‍ സ്റ്റേഷൻ കെട്ടിടത്തിലെ സർക്കാർ ഒാഫീസുകള്‍ ഇൗ മാസം 30ന് മുമ്പ് മാറ്റണമെന്ന ജില്ലാ കളക്ടറുടെ ഉത്തവിലെ സമയ പരിധി ഇന്ന് അവസാനിക്കാനിരിക്കെ, ഉത്തരവ് നടപ്പാക്കിയത് ഒരു ഒാഫീസ് മാത്രം.
ഇക്കണോമിക്സ് ആൻഡ് സ്റ്റാറ്റിറ്റിക്സ് വകുപ്പിന്റെ ഒാഫീസ് മാത്രമാണ് മാറ്റിയത്. കളക്ടറേറ്റ് വളപ്പിലെ പ്ളാനിംഗ് ഒാഫീസ് കെട്ടിടത്തില്‍ ഇന്നലെ മുതല്‍ ഒാഫീസ് പ്രവർത്തിച്ചു തുടങ്ങി. പ്രിൻസിപ്പല്‍ അഗ്രിക്കള്‍ച്ചറല്‍ ഒാഫീസ് കോളേജ് റോഡില്‍ പഴയ ഫെഡറല്‍ ബാങ്ക് ഒാഫീസിലേക്ക് മാറ്റാനുള്ള പരിശോധന പൂർത്തിയായി.
കോടതികളും സർക്കാർ ഒഫീസുകളാണ് മിനി സിവില്‍ സ്റ്റേഷനില്‍ പ്രവർത്തിക്കുന്നത്. നഗരത്തില്‍ തന്നെ പറ്റിയ കെട്ടിടം കിട്ടാത്തതും ഉയർന്ന വാടകയുമാണ് ഒാഫീസുകള്‍ മാറുന്നതിന് തടസമാകുന്നത്.
മിനി സിവില്‍ സ്റ്റേഷൻ കെട്ടിടം കാലപ്പഴക്കം കാരണം ജീർണാവസ്ഥയിലായെന്ന് കേരള ഹൈവെ റിസർച്ച്‌ ഇൻസ്റ്റിറ്റ്യൂട്ട് സ്ട്രക്ചറല്‍ അസസ്മെന്റ് നടത്തി റിപ്പോർട്ട് ചെയ്തിരുന്നു. കെട്ടിടത്തിലുള്ള ഒാഫീസുകള്‍ അടിയന്തരമായി മാറ്റണമെന്നും അവിടേക്ക് ആരെയും പ്രവേശിപ്പിക്കരുതെന്നും റിപ്പോർട്ടില്‍ പറഞ്ഞിരുന്നു. ഇതേ തുടർന്നാണ് എല്ലാ ഒാഫീസുകളും അടിയന്തരമായി ഇൗ മാസം 30ന് മമാറ്റണമെന്ന് ജില്ലാ കളക്ടർ ഉത്തരവിട്ടത്.
♦ 40 വർഷത്തെ പഴക്കം
മിനി സിവില്‍ സ്റ്റേഷൻ കെട്ടിടത്തിന് 40 വർഷത്തെ പഴക്കമാണുള്ളത്. കെട്ടിടത്തിന്റെ തൂണുകള്‍ക്ക് ബലക്ഷയമുണ്ട്. മുകളിലെ കോണ്‍ക്രീറ്റ് പാളികള്‍ അടർന്നു വീണുകൊണ്ടിരിക്കുകയാണ്. ഭിത്തികളില്‍ വിളളലുമുണ്ട്.
♦ 22 ഒാഫീസുകള്‍, 7 കോടതികള്‍