വാഷിംഗ്​ടണ്‍: മതം അടിസ്ഥാനമാക്കി രാജ്യത്തേയ്ക്ക് പ്രവേശന വിലക്ക്​ നടപ്പാക്കാന്‍ അനുമതി നല്‍കുന്ന നിയമം റദ്ദാക്കി യു.എസ്​ പ്രതിനിധി സഭ. മുസ്​ലിം ഭൂരിപക്ഷമുള്ള നിരവധി രാജ്യങ്ങളില്‍നിന്ന്​ അമേരിക്കയിലേക്കുള്ള പ്രവേശനം മുന്‍ പ്രസിഡന്‍റ്​ ഡൊണള്‍ഡ്​ ട്രംപ്​ വിലക്കിയിരുന്നു. ഇതോടെ, ഈ രാജ്യങ്ങളില്‍ നിന്ന്​ കുടിയേറിയ നിരവധി കുടുംബങ്ങളാണ്​ പ്രതിസന്ധിയിലായി. ഇത് മുസ്​ലിംകള്‍ക്കും ആഫ്രിക്കക്കാര്‍ക്കുമെതിരെയുള്ള അക്രമ സംഭവങ്ങള്‍ വര്‍ദ്ധിക്കാനും കാരണമായി. ഈ സാഹചര്യത്തിലാണ്​ നിയമം പ്രതിനിധി സഭ റദ്ദാക്കിയത്​. എന്നാല്‍, സെനറ്റ്​ കൂടി കടന്നാലേ നിയമമാകൂ.