അടിമാലി: അടിമാലി സര്‍വ്വീസ് സഹകരണ ബാങ്കിന്റെ നവകേരളീയം കുടിശ്ശിക നിവാരണത്തിന്റെ ഭാഗമായി 17, 18, 20 എന്നീ തിയതികളില്‍ ഇരുമ്ബുപാലം ബ്രാഞ്ചിലും 22 മുതല്‍ 25 വരെ അടിമാലി ഹെഡ് ഓഫീസിലും കുടിശിക നിവാരണം നടത്തും.

ഒറ്റത്തവണ തീര്‍പ്പാക്കലില്‍ പിഴ പലിശ പൂര്‍ണ്ണമായും ഒഴിവാക്കുന്നതായിരിക്കും കൂടാതെ പലിശയിനത്തിലുള്ള കുടിശ്ശികയില്‍ 10 ശതമാനം മുതല്‍ 50 ശതമാനം വരെ 1 വര്‍ഷം മുതല്‍ 5 വര്‍ഷം വരെയുള്ള പലിശ കൂടിശ്ശികയില്‍ കിഴിവ് അനുവദിക്കും. കുടിശ്ശികയുള്ള അംഗങ്ങള്‍ അവരുടെ കുടിശ്ശിക തീര്‍ക്കുന്ന മുറയ്ക്ക് പുതിയ വായ്പയും അനുവദിക്കും. കുടിശിക നിര്‍മ്മാര്‍ജ്ജന പദ്ധതിയിലും ഒറ്റത്തവണ തീര്‍പ്പാക്കല്‍ പദ്ധതിയിലും സഹകാരികള്‍ പങ്കെടുക്കണമെന്ന് പ്രസിഡന്റ് ജോണ്‍ സി ഐസക് ,വൈസ് പ്രസിഡന്റ് എം.എം. നവാസ്. ബോര്‍ഡ് അംഗങ്ങളായ ഷാജി കോയിക്കകൂടി , ബോസ് കെ.എം.സഹദേവന്‍ ടി.കെ, ഷേര്‍ളി ക്രിസ്റ്റി എന്നിവര്‍ പത്രസമ്മേളനത്തില്‍ പറഞ്ഞു.