Friday, 22 Jan, 2.50 am കേരളകൗമുദി

പ്രാദേശികം
നേപ്പാള്‍ ദുരന്ത സ്‌മാരക മന്ദിരത്തിന് ശിലയിട്ടു

പോത്തന്‍കോട്: നേപ്പാള്‍ ദുരന്തത്തില്‍ മരിച്ച ചേ​ങ്കോ​ട്ടു​കോ​ണം​ ​അ​യ്യ​ന്‍​കോ​യി​ക്ക​ല്‍​ ​രോ​ഹി​ണി​യി​ല്‍ പ്ര​വീ​ണ്‍​കു​മാ​ര്‍​ ​കെ.​ ​നാ​യ​രുടെയും കുടുംബത്തിന്റെയും സ്‌മരണാര്‍ത്ഥം നിര്‍മ്മിക്കുന്ന മന്ദിരത്തിന്റെ ശിലയിടല്‍ കര്‍മ്മവും അനുസ്‌മരണ സമ്മേളനവും മന്ത്രി കടകംപള്ളി സുരേന്ദ്രന്‍ നിര്‍വഹിച്ചു. പ്രവീണിന്റെ മാതാപിതാക്കളായ കൃ​ഷ്ണ​ന്‍​കു​ട്ടി​നാ​യ​ര്‍,​ പ്ര​സ​ന്ന​കു​മാ​രി എന്നിവരും ബന്ധുക്കളും സുഹൃത്തുക്കളും ചടങ്ങില്‍ പങ്കെടുത്തു. അഡ്വ.എം.എ. വാഹീദ്, ബി.ജെ.പി ജില്ലാ പ്രസിഡന്റും കൗണ്‍സിലറുമായ വി.വി. രാജേഷ്, നിംസ് എം.ഡി ഡോ. ഫൈസല്‍ഖാന്‍, സൈബര്‍ സിറ്റി അസിസ്റ്റന്റ് കമ്മിഷണര്‍ അനില്‍കുമാര്‍, കഴക്കൂട്ടം പഞ്ചായത്ത് മുന്‍ വൈസ് പ്രസിഡന്റ് ബി.എസ്. ഇന്ദ്രന്‍ തുടങ്ങിയവര്‍ സംസാരിച്ചു. പ്രവീണിന്റെ കുടുംബവീടിന് സമീപം രണ്ടുനിലകളിലായി നിര്‍മ്മിക്കുന്ന മന്ദിരത്തിന്റെ ഒരുനില അയ്യന്‍കോയിക്കല്‍ റസിഡന്റ്‌സ് അസോസിയേഷന്റെ പ്രവര്‍ത്തനങ്ങള്‍ക്കും രണ്ടാമത്തെ നിലയില്‍ ആധുനിക സൗകര്യങ്ങളുള്ള ഒരു ലൈബ്രറിയും ഒരുക്കാനാണ് തീരുമാനം. ഇതിനായി ഒരു ട്രസ്റ്റ് രൂപീകരിക്കും.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Kerala Kaumudi
Top