കൊച്ചി: കലൂർ പാവക്കുളം ശ്രീമഹാദേവക്ഷേത്രത്തില് പൗർണമി പൊങ്കാല ഭക്തിനിർഭരമായ ചടങ്ങുകളോടെ നടന്നു. മന്ത്രാക്ഷരങ്ങള് മുഴങ്ങിയ അന്തരീക്ഷത്തില് ക്ഷേത്രം മേല്ശാന്തി ഏഴിക്കോട് കൃഷ്ണദാസ് നമ്പൂതിരിയും ഭാര്യ ലയ അന്തർജനവും പൊങ്കാല അടുപ്പിലേക്ക് ദീപം പകർന്നതോടെ ചടങ്ങുകള്ക്ക് തുടക്കമായി.
മേല്ശാന്തിയുടെ കാർമ്മികത്വത്തില് പൊങ്കാല അടുപ്പുകളില് തീർത്ഥം തെളിച്ച് പൊങ്കാലസമർപ്പണം നടത്തി. ക്ഷേത്രക്ഷേമ സമിതി സെക്രട്ടറി കെ.പി. മാധവൻകുട്ടി, ട്രഷറർ സി.വേണു തുടങ്ങിയവർ നേതൃത്വം നല്കി.