ലണ്ടൻ: ചരിത്രകാരനും പ്രസിദ്ധമായ എഡിൻബ്രോ യൂണിവേഴ്‌സിറ്റി പ്രൊഫസറുമായ ഡോ. മഹ്മൂദ് കൂരിയയ്ക്ക് 1.26 കോടി രൂപയുടെ ഫിലിപ് ലീവർഹ്യും അവാർഡ്.
2024ലെ ഇൻഫോസിസ് സയൻസ് പ്രൈസ് കരസ്ഥമാക്കിയ വ്യക്തിയാണ് ഡോ. മഹ്മൂദ് കൂരിയ. 84 ലക്ഷം രൂപയായിരുന്നു പ്രൈസ്. നേരത്തെ ഡച്ച്‌ സർക്കാരിന്റെ രണ്ടുകോടി രൂപയുടെ നാഷണല്‍ റിസർച്ച്‌ ഫെലോഷിപ്പിനും ഇദ്ദേഹം അർഹനായിരുന്നു.
മലപ്പുറം ജില്ലയിലെ പെരിന്തല്‍മണ്ണയ്‌ക്കടുത്തുള്ള പനങ്ങാങ്ങര സ്വദേശിയാണ് ഡോ. മഹ്മൂദ് കൂരിയ. ഇന്ത്യൻ മഹാസമുദ്ര പഠനങ്ങള്‍, ആഗോള നിയമ ചരിത്രം, ആഫ്രോ - ഏഷ്യൻ ബന്ധങ്ങള്‍, ഇസ്‌ലാമിന്റെ ധൈഷണിക ചരിത്രം എന്നിവയാണ് അദ്ദേഹത്തിന്റെ പഠന മേഖലകള്‍.