ഫോബ്‌സിന്റെ തത്സമയ ശകോടീശ്വര പട്ടിക പ്രകാരം ആസ്തി 10.5 ശതമാനം ഉയർന്ന് 88.8 ബില്യണ്‍ ഡോളറിലെത്തി.
നവംബർ രണ്ടിന് റിലയൻസ് ഓഹരികള്‍ ഏകദേശം 12 ശതമാനം ഉയർന്നതോടെ കമ്പനിയുടെ വിപണിമൂല്യത്തില്‍ 19 ബില്യണ്‍ ഡോളറിലേറെ വർദ്ധനയുണ്ടായി. ചൈനീസ് കമ്പനിയായ ബൈറ്റ്ഡാൻസിന്റെ സഹസ്ഥാപകൻ ഴാങ് യിമിങ്ങിനെ മറികടന്നാണ് അംബാനി ഒന്നാമതെത്തിയത്. യിമിങ്ങിന്റെ ആസ്തി 84 ബില്യണ്‍ ഡോളറാണ്. അദാനി ഗ്രൂപ്പ് ചെയർമാൻ ഗൗതം അദാനിയുടെ ആസ്തി 80.1 ബില്യണ്‍ ഡോളറും.
ജൂലായ് -സെപ്തംബർ പാദത്തില്‍ റിലയൻസ് വരുമാനത്തിലും ലാഭത്തിലും റെക്കാഡ് നേട്ടം കൈവരിച്ചതാണ് ഓഹരികള്‍ക്ക് കരുത്തായത്. ഏകീകൃത വരുമാനം 28 ശതമാനം ഉയർന്ന് 3.62 ലക്ഷം കോടി രൂപയിലെത്തി. അറ്റാദായം 34 ശതമാനം വർദ്ധിച്ച്‌ 29,550 കോടി രൂപയായി.
ഒക്ടോബർ 28ന് ജിയോ പ്ലാറ്റ്‌ഫോംസ് ഓഹരിവിപണിയില്‍ അരങ്ങേറ്റം കുറിച്ചതിനു പിന്നാലെയാണ് റിലയൻസ് ഓഹരികളിലും മുന്നേറ്റമുണ്ടായത്.