ശ്രീനാഥ് ഭാസി, ഫെമിന ജോർജ് എന്നിവരെ പ്രധാന കഥാപാത്രങ്ങളാക്കി സുഭാഷ് ലളിത സുബ്രഹ്മണ്യൻ സംവിധാനം ചെയ്യുന്ന കറക്കം' ട്രെയിലർ റിലീസ് ചെയ്തു.

മ്യൂസിക്കല്‍ ഹൊറർ കോമഡി ചിത്രം ഒരു സംഭവത്തെ ചുറ്റിപ്പറ്റി കുറച്ച്‌ ആളുകളുടെ കറക്കം കാണിക്കുന്നു. അഭിറാം രാധാകൃഷ്ണൻ, സിദ്ധാർഥ് ഭരതൻ, ജീൻ പോള്‍ ലാല്‍, പ്രവീണ്‍ ടി. ജെ, മണികണ്ഠൻ ആചാരി,ബിജു കുട്ടൻ, മിഥൂട്ടി,ഷോണ്‍ റോമി, ലെനാസ് ബിച്ചു,ശാലു റഹിം,വിനീത് തട്ടില്‍, മനോജ് മോസസ്, കെയിൻ സണ്ണി, ശ്രാവണ്‍,വിഷ്ണു രഘു തുടങ്ങിയവരാണ് മറ്റു താരങ്ങള്‍.

ക്രൗണ്‍ സ്റ്റാർസ് എന്റർടെയ്ൻമെന്റിന്റെ ബാനറില്‍ കിംബർലി ട്രിനിഡെട്,അൻകുഷ് സിംഗ് എന്നിവർ ചേർന്ന് നിർമ്മിക്കുന്ന ചിത്രം മേയ് 28ന് പ്രദർശനത്തിനെത്തും. നിപിൻ നാരായണൻ, സുഭാഷ് ലളിത സുബ്രഹ്മണ്യൻ, അർജുൻ നാരായണൻ എന്നിവർ ചേർന്നാണ് തിരക്കഥയും സംഭാഷണവും.