തിരുവനന്തപുരം: സംസ്ഥാനത്തെ തദ്ദേശ സ്ഥാപനങ്ങളിലേക്കുള്ള തിരഞ്ഞെടുപ്പ് ഡിസംബര് ഏഴിന് ശേഷം രണ്ട് ഘട്ടമായി നടക്കാന് സാദ്ധ്യത. തീയതി അടുത്ത മന്ത്രിസഭായോഗത്തിന് ശേഷം ബുധനാഴ്ച വൈകിട്ടോ വ്യാഴാഴ്ചയോ പ്രഖ്യാപിച്ചേക്കും.
ഡിസംബര് 15ന് മുമ്ബ് പുതിയ ഭരണസമിതികള് ചുമതലയേല്ക്കുന്ന വിധത്തില് നടപടികള് പൂര്ത്തിയാക്കും. തിരഞ്ഞെടുപ്പ് എത്രഘട്ടമായി നടത്തണമെന്ന് തീരുമാനിക്കാന് തിരഞ്ഞെടുപ്പ് കമ്മിഷന് ഡി.ജി.പിയുമായി തിങ്കളാഴ്ച ചര്ച്ച നടത്തും.
നിലവിലെ ഭരണസമിതികളുടെ കാലാവധി നവംബര് 11ന് പൂര്ത്തിയാകുന്ന സാഹചര്യത്തില്, പുതിയ ഭരണസമിതികള് വരുന്നതുവരെ അഡ്മിനിസ്ട്രേറ്റീവ് കമ്മിറ്റികള്ക്കാണ് ചുമതല.
കൊവിഡ്: പ്രത്യേക സമിതി
കൊവിഡ് വ്യാപനം കണക്കിലെടുത്ത് തദ്ദേശസ്ഥാപനങ്ങളില് പ്രതിരോധ പ്രവര്ത്തനങ്ങള് ഏകോപിപ്പിക്കാന് പ്രത്യേക സമിതി രൂപീകരിക്കും. ആരോഗ്യ, കുടുംബശ്രീ പ്രവര്ത്തകരെ ഉള്പ്പെടുത്തും. അഡ്മിനിസ്ട്രേറ്റീവ് കമ്മിറ്റികള്ക്ക് പുറമേയാണിത്.