തിരുവനന്തപുരം: കേരളത്തിനാവശ്യമായ കൊവിഡ് വാക്സിന് സൗജന്യമായി ലഭ്യമാക്കണമെന്ന് ആവശ്യപ്പെട്ട് പ്രതിപക്ഷനേതാവ് രമേശ് ചെന്നിത്തല പ്രധാനമന്ത്രി നരേന്ദ്രമോദിക്ക് കത്ത് നല്കി.
കൊവിഡ് മഹാമാരിയില് സാമ്ബത്തികമായി കേരളം ഏറെ ബുദ്ധിമുട്ടുന്ന
സാഹചര്യത്തില് സംസ്ഥാന സര്ക്കാരിന് സൗജന്യമായി കൊവിഡ് വാക്സിന് നല്കുക പ്രായോഗികമല്ല. ഈ സാഹചര്യത്തില് കേന്ദ്രവും കേരളവും ഒരു മനസോടെ പ്രവര്ത്തിക്കേണ്ടിയിരിക്കുന്നു.
കേരളത്തില് ഇപ്പോള് തന്നെ ആദ്യഘട്ട വാക്സിന് എടുത്തവര്ക്ക് രണ്ടാം ഘട്ട വാക്സിന് ലഭ്യമല്ലാത്ത സാഹചര്യമാണുള്ളത്. 45 വയസ് കഴിഞ്ഞവര്ക്ക് വാക്സിന് നല്കേണ്ടതായുമുണ്ട്. 18 കഴിഞ്ഞവര്ക്കും വാക്സിന് നല്കണമെന്ന് കേന്ദ്ര സര്ക്കാര് പ്രഖ്യാപിച്ചിട്ടുമുണ്ട്.