ആദ്യ മത്സരത്തില്‍ തായ്‌ലാൻഡിനെ 94 റണ്‍സിനും രണ്ടാം മത്സരത്തില്‍ ഹോംഗ് കോംഗിനെ 137 റണ്‍സിനുമാണ് ഇന്ത്യ തോല്‍പ്പിച്ചത്.പാകിസ്ഥാന്റെ ഗ്രൂപ്പിലെ രണ്ടാം മത്സരമാണിത്. ആദ്യ മത്സരത്തില്‍ തായ്‌ലാൻഡിനെ 35 റണ്‍സിനാണ് തോല്‍പ്പിച്ചത്. ഇന്ത്യൻ സമയം രാത്രി 8 മണി മുതലാണ് മത്സരം.

കഴിഞ്ഞ ദിവസം നടന്ന മത്സരത്തില്‍ സ്മൃതി മാന്ഥനയുടെ തകർപ്പൻ സെഞ്ച്വറിയുടെ മികവിലാണ് ഇന്ത്യ ഹോംഗ്കോംഗിനെ തകർത്ത് സെമിഫൈനല്‍ ഉറപ്പിച്ചത്.64 പന്തുകള്‍ നേരിട്ട് 14 ഫോറുകളും ഏഴ് സിക്സുകളും പറത്തി തന്റെ 18-ാം അന്താരാഷ്ട്ര സെഞ്ച്വറിയാണ് സ്മൃതി ഈ മത്സരത്തില്‍ നേടിയത്. ഇതോടെ അന്താരാഷ്ട്ര വനിതാ ക്രിക്കറ്റില്‍ ഏറ്റവും കൂടുതല്‍ സെഞ്ച്വറികള്‍ നേടിയ മെഗ് ലാന്നിംഗിന്റെ റെക്കാഡ് സ്മൃതി മറികടന്നു. ട്വന്റി-20 ഫോർമാറ്റിലെ സ്മൃതിയുടെ രണ്ടാം സെഞ്ച്വറിയും ഏറ്റവും ഉയർന്ന സ്കോറുമാണിത്. മൂന്ന് ഫോർമാറ്റുകളിലും സെഞ്ച്വറി നേടിയ ഇന്ത്യൻ വനിതയാണ് സ്മൃതി മാന്ഥന. ടി.വി ലൈവ് : 8 pm മുതല്‍ സോണി സ്പോർട്സിലും സോണി ലിവിലും.