സജിൻ ഗോപുവിന്റെയും നിഖില വിമലിന്റെയും വിചിത്രമായ കല്യാണ ദൃശ്യങ്ങളാണ് 'ചിരഞ്ജീവി' ഗാനത്തില്‍. വിനായക് ശശികുമാറിന്റെ വരികള്‍ക്ക്് അങ്കിത് മേനോനാണ് ഈണം . മലയാളി മങ്കീസ് ആണ് പാട്ടുകാർ. 'മന്തി പോലും ഉപ്പുമാവിൻ ടേസ്റ്റില്‍ ഒതുങ്ങി..." തുടങ്ങിയ രസമുള്ള വരികളും വേറിട്ട ഈണവുമായാണ് ഗാനം.

പ്രേക്ഷകരേവരും ഏറ്റെടുത്ത 'നെയ്മറി"ന് ശേഷം സുധി മാഡിസണ്‍ സംവിധാനം ചെയ്യുന്ന ചിത്രത്തില്‍ .ഷൈൻ ടോം ചാക്കോ, ഗണപതി, സിദ്ധാർത്ഥ് ഭരതൻ തുടങ്ങിയവരാണ് മറ്റ് പ്രധാന താരങ്ങള്‍. ഹാപ്പി അവേഴ്സ് എന്റർെടയ്ൻമെന്റിന്റെയും എ ആൻഡ് എച്ച്‌എസ് പ്രൊഡക്ഷൻ ഹൗസിന്റെയും ബാനറില്‍ സമീർ താഹിർ, ഷൈജു ഖാലിദ്, സജിൻ അലി, അബ്ബാസ് തിരുനാവായ എന്നിവർ ചേർന്നാണ് നിർമ്മാണം. രചന നിർവഹിക്കുന്നത് സോണിയും മനുവും ചേർന്നാണ്. ഛായാഗ്രഹണം: ജിന്റാേ ജോർജ്ജ്, എഡിറ്റർ: വിവേക് ഹർഷൻ, പ്രൊഡക്ഷൻ ഡിസൈനർ: ഔസേപ്പ് ജോണ്‍, ശബ്ദലേഖനം: രംഗനാഥ് രവി, വിതരണം : ഭാവന റിലീസ്, പി.ആർ.ഒ: ആതിര ദില്‍ജിത്ത്.