കഴിഞ്ഞ ദിവസം പോസ്ടെക് യൂണിവേഴ്സിറ്റിയുമായി സഹകരിച്ചു കൊണ്ട്, 'മെറ്റാസർഫേസ് ലെൻ്റിക്കുലാർ ലെൻസ്' ഉപയോഗിച്ച്‌ കൊണ്ടുള്ള സ്വിച്ചബിള്‍ 2D, 3D ഡിസ്പ്ലേ ടെക്നോളജിയെപ്പറ്റി സാംസങ് പ്രസിദ്ധീകരിച്ചിരുന്നു. 2028ല്‍ ആഗോളതലത്തില്‍ ലോഞ്ച് ചെയ്യുമെന്ന് പ്രതീക്ഷിക്കുന്ന സാംസങ് ഗാലക്സി എസ്28 അള്‍ട്രയില്‍ ഈ ഫീച്ചർ കൊണ്ടുവരാനാണ് സാംസങ് തീരുമാനിച്ചിരിക്കുന്നത് എന്നാണ് റിപ്പോർട്ട്.

പോസ്ടെക്കുമായി സഹകരിച്ച്‌ നേച്ചറില്‍ പ്രസിദ്ധീകരിച്ച 'സ്വിച്ചബിള്‍ 2D, 3D ഡിസ്പ്ലേ ത്രൂ എ മെറ്റാസർഫേസ് ലെൻ്റിക്കുലാർ ലെൻസ്' എന്ന പുതിയ പ്രബന്ധത്തില്‍, ഭാവിയിലെ സ്മാർട്ട് ഫോണുകള്‍, ടാബ്ലെറ്റുകള്‍, മറ്റു ഉപകരണങ്ങള്‍ എന്നിവയില്‍ പ്രകാശ കിരണങ്ങളെ കൈകാര്യം ചെയ്യാന്‍ കഴിവുള്ള 'അള്‍ട്രാ തിൻ' ടെക്നോളജി ഉപയോഗിച്ചുള്ള പുതിയ ഡിസ്പ്ലേ വരുമെന്നാണ് സാംസങ് കമ്പനി പറയുന്നത്.

ഈ പുതിയ സാങ്കേതികവിദ്യ ഡിസ്പ്ലേകളിലെ വ്യൂവിംഗ് ആംഗിളുകള്‍ മെച്ചപ്പെടുത്തുമെന്നാണ് കമ്പനി വിശ്വസിക്കുന്നത്. ഇത് ഉപഭോക്താക്കളെ 2D/3D മോഡുകള്‍ക്കിടയില്‍ വേഗത്തില്‍ സ്വിച്ച്‌ ചെയ്യാൻ അനുവദിക്കും. ഇത് സാധ്യമാകുന്നതിന് വോള്‍ട്ടേജ് നിയന്ത്രണവും ഈ ടെക്നോളജി ഉപയോഗിക്കുന്നു.

മെറ്റാ ലെൻസില്‍ നാനോസ്കെയില്‍ ഘടനകള്‍ ഉള്‍പ്പെടുന്നുണ്ട്. ഇത് 2D, 3D മോഡുകള്‍ക്കിടയില്‍ സുഗമമായ മാറ്റങ്ങള്‍ സാധ്യമാക്കും. മാത്രമല്ല, ഈ സാങ്കേതികവിദ്യ ഡിസ്പ്ലേകളിലെ വ്യൂവിംഗ് ആംഗിളുകളും മെച്ചപ്പെടുത്തുമെന്ന് കമ്പനി പറയുന്നു. ഉപയോക്താക്കള്‍ക്ക് 2D, 3D മോഡുകള്‍ മാറാൻ എളുപ്പത്തില്‍ അനുവദിക്കുകയും ചെയ്യും. ഇത് സാധ്യമാക്കുന്നതിന് സാങ്കേതികവിദ്യ വോള്‍ട്ടേജ് നിയന്ത്രണവും ഉപയോഗിക്കുന്നു. ദൈനംദിന ജോലികള്‍ക്കായി ഹൈ റെസല്യൂഷൻ 2Dയും, വീഡിയോയ്‌ക്കായി മികച്ച മള്‍ട്ടി വ്യൂ 3Dയും തിരഞ്ഞെടുക്കാൻ ഈ സാങ്കേതിക വിദ്യ ഉപയോക്താക്കളെ സഹായിക്കും.

സ്വിച്ചബിള്‍ 2D, 3D ഡിസ്‌പ്ലേ ഉപയോഗിച്ച്‌ പുറത്തിറക്കാൻ സാധ്യതയുള്ള ഉപകരണങ്ങളുടെ പേരുകള്‍ കമ്പനി ഇതുവരെ വെളിപ്പെടുത്തിയിട്ടില്ലെങ്കിലും, ഈ അപ്‌ഗ്രേഡ് ലഭിക്കുന്ന ആദ്യ ഉപകരണങ്ങളില്‍ ഒന്നായിരിക്കാം 'സാംസങ് ഗാലക്‌സി എസ്28 അള്‍ട്ര' എന്ന് ഒരു പുതിയ റിപ്പോർട്ട് അവകാശപ്പെടുന്നു . അങ്ങനെയെങ്കില്‍ ഇത് കമ്പനിക്ക് വലിയൊരു കുതിച്ചുചാട്ടം സമ്മാനിക്കുകയും സ്മാർട്ട്‌ ഫോണ്‍ ഡിസ്‌പ്ലേ സാങ്കേതികവിദ്യയുടെ വളർച്ചയെ കൂടുതല്‍ മുന്നോട്ട് നയിക്കുകയും ചെയ്യും.