ഇതിനു പിന്നാലെ സോഷ്യല്‍ മീഡിയയില്‍ ട്രോളുകളും വിമർശനങ്ങളും നിറഞ്ഞു. വലിയ ബജറ്റില്‍ എത്തുന്ന ചിത്രത്തിന്റെ വിഎഫ്‌എക്സ് നിലവാരമാണ് കാണികളെ ചൊടിപ്പിച്ചത്.

ഏകദേശം 4,000 കോടി രൂപയാണ് ഈ സിനിമകളുടെ ബജറ്റായി കണക്കാക്കുന്നത്. അതില്‍ വലിയൊരു പങ്ക് വിഷ്വല്‍ എഫക്ടുകള്‍ക്കും സെറ്റുകള്‍ക്കുമായിട്ടാണ് ചെലവഴിച്ചിരിക്കുന്നത്. സിനിമയുടെ വിഎഫ്‌എക്‌സിന് പിന്നില്‍, എട്ട് തവണ അക്കാദമി അവാർഡ് നേടിയ വിഷ്വല്‍ എഫക്റ്റ്സ് സ്റ്റുഡിയോയായ ഡിഎൻഇജി ആണ്. എന്നാല്‍, ടീസറിലെ വിഷ്വലുകളില്‍ ഇത് പ്രതിഫലിക്കുന്നില്ല എന്നാണ് വിമർശനം. രാമയണത്തെ അടിസ്ഥാനമാക്കി പുറത്തുവന്ന പ്രഭാസ് ചിത്രം 'ആദിപുരുഷു'മായി താരതമ്യപ്പെടുത്തിയാണ് സോഷ്യല്‍ മീഡിയയിലെ ട്രോളുകള്‍. സമാനമായ രീതിയില്‍ 'ആദിപുരുഷും' വിഎഫ്‌എക്‌സിന്റെയും കാസ്റ്റിങ്ങിന്റെയും പേരില്‍ ട്രോള്‍ ചെയ്യപ്പെട്ടിരുന്നു.

രണ്‍ബീർ കപൂർ ആണ് 'രാമായണ'യില്‍ രാമനായി എത്തുന്നത്. എന്നാല്‍, ടീസറില്‍ നടന്റെ മുഖത്ത് യാതൊരു വിധ ഭാവവ്യത്യാസങ്ങളുമില്ല എന്നാണ് പ്രേക്ഷകർ ചൂണ്ടിക്കാട്ടുന്നത്. 75 കോടി രൂപയാണ് 'രാമായണ: ഭാഗം 1'ന് പ്രതിഫലമായി നടൻ വാങ്ങുന്നതെന്നാണ് റിപ്പോർട്ടുകള്‍. ചിത്രത്തിന്റെ രണ്ട് ഭാഗങ്ങള്‍ക്കുമായി ഏകദേശം 150 കോടി രൂപയോളമാണ് താരം കൈപ്പറ്റുന്നത്.