ശ്രീനാഥ് ഭാസി, ഫെമിന ജോർജ്, ഷൗണ്‍ റോമി, സിദ്ധാർത്ഥ് ഭരതൻ, അഭിരാം രാധാകൃഷ്ണൻ, പ്രവീണ്‍ ടി.ജെ എന്നിവർ പ്രധാന കഥാപാത്രങ്ങളായെത്തിയ ചിത്രത്തിന് തിയേറ്ററുകളില്‍ സമ്മിശ്ര പ്രതികരണമാണ് ലഭിച്ചത്.

ബ്ലാക്ക് ടർട്ടില്‍ പ്രൊഡക്ഷൻസിന്റെയും ക്രൗണ്‍സ്റ്റാർസ് എന്റർടെയ്‌ൻമെന്റിന്റെയും ബാനറില്‍ അങ്കുഷ് സിങ്, കിമ്പർളി ട്രിനിഡാഡ് എന്നിവർ ചേർന്ന് നിർമിച്ച ചിത്രം സുഭാഷ് ലളിത സുബ്രഹ്മണ്യനാണ് ചിത്രം സംവിധാനം ചെയ്തിരിക്കുന്നത്. നിപിൻ നാരായണൻ, സുഭാഷ് ലളിത സുബ്രഹ്മണ്യൻ, അർജുൻ നാരായണൻ എന്നിവർ ചേർന്നാണ് തിരക്കഥ തയ്യാറാക്കിയിരിക്കുന്നത്. സോണി ലിവിലൂടെയാണ് ചിത്രത്തിന്റെ സ്ട്രീമിങ് ആരംഭിച്ചിരിക്കുന്നത്.

ഷെയ്‌ന്‍ നിഗം നായകനായ 'ബള്‍ട്ടി'യാണ് ഒടിടിയിലേക്ക് എത്തുന്ന മറ്റൊരു മലയാള ചിത്രം. കഴിഞ്ഞ വർഷം സെപ്റ്റംബർ 26ന് തിയേറ്ററുകളിലെത്തിയ ചിത്രത്തിന് മികച്ച പ്രതികരണം നേടിയെടുക്കാൻ സാധിച്ചിരുന്നു. നവാഗതനായ ഉണ്ണി ശിവലിംഗമാണ് 'ബള്‍ട്ടി'യുടെ സംവിധാനം. ട്രെൻഡ് സെറ്ററായ സംഗീത സംവിധായകൻ സായ്‌ അഭ്യങ്കർ ഒരുക്കിയ ചിത്രത്തിലെ ഗാനങ്ങള്‍ ഹിറ്റ് ചാർട്ടുകളില്‍ ഇടംപിടിച്ചിരുന്നു. സായ്‌യുടെ ആദ്യ മലയാള ചിത്രമായിരുന്നുവിത്.

സോണി ലിവ് ആണ് സിനിമയുടെ സ്ട്രീമിങ് അവകാശങ്ങള്‍ സ്വന്തമാക്കിയിരിക്കുന്നത്. ജൂലൈ 10നാണ് സിനിമയുടെ സ്ട്രീമിങ് ആരംഭിക്കുന്നത്.

ചിരിയും പേടിയും സംഗീതവും കൊണ്ട് സമ്പന്നമായ 'കറക്കം' മുതല്‍ ആവേശവും ആക്ഷനും നിറഞ്ഞ 'ബള്‍ട്ടി' വരെ, മികച്ച സിനിമാനുഭവങ്ങളുടെ ഒരു മാസം സമ്മാനിക്കാനാണ് സോണി ലിവ് ഒരുങ്ങുന്നത്.