പാര്യത്തുകാവിലെ കുടിയൊഴിപ്പിക്കലില് വിധി നടപ്പാക്കുകയല്ലാതെ സര്ക്കാരിന് മറ്റ് മാര്ഗ്ഗമില്ലെന്ന് എറണാകുളം ഹൈക്കോടതി.
കോടതി വിധിയെ സര്ക്കാര് അനുസരിക്കുകയാണ് വേണ്ടത്. കുടിയൊഴിപ്പിക്കലില് സാങ്കേതികത പറയുകയല്ല വേണ്ടതെന്ന് കോടതി പറഞ്ഞു. കോടതി വിധി സംരക്ഷിക്കാന് സര്ക്കാരിന് ബാധ്യതയുണ്ട്. ഭൂമിയുടെ അവകാശം സ്ഥാപിച്ചെടുക്കാന് താമസക്കാര് ഒന്നും ചെയ്തിട്ടില്ലെന്നും ഹൈക്കോടതി സിംഗിള് ബെഞ്ച് നിരീക്ഷിച്ചു.
അതേസമയം, പ്രശ്നം പരിഹരിക്കാന് രണ്ടാഴ്ച സാവകാശം വേണമെന്ന സര്ക്കാര് ആവശ്യം കോടതി അംഗീകരിച്ചു. സാധ്യമായ എല്ലാ നടപടികളും സ്വീകരിച്ചുവെന്ന് അഡ്വക്കറ്റ് ജനറല് അറിയിച്ചു. കോടതി മുമ്പാകെ നേരത്തെ തന്നെയുള്ള ഹർജിയാണ് ജസ്റ്റിസ് ടി.ആർ.രവിയുടെ ബെഞ്ച് പരിഗണിച്ചത്.
ഭൂമിയുടെ അവകാശം സ്ഥാപിച്ചെടുക്കാന് താമസക്കാര് ഒന്നും ചെയ്തിട്ടില്ല. തര്ക്കഭൂമിയില് താമസിക്കുന്നവര്ക്ക് നിയമപരമായ അവകാശം ഉണ്ടാകണം. അവകാശം സ്ഥാപിച്ചെടുക്കാന് നിയമവഴി തേടിയിട്ടില്ലെന്നും ഹൈക്കോടതി പറഞ്ഞു. ഇക്കഴിഞ്ഞ മാർച്ച് 19ന് ഹർജി പരിഗണിച്ച ഹൈക്കോടതിയുടെ ഉത്തരവ് നടപ്പാക്കാൻ ശ്രമിച്ചെങ്കിലും നടപടി സംഘർഷത്തിലാണ് കലാശിച്ചത്.
Evacuation of Pariyath Kavu: High Court grants two weeks’ delay
The post പാരിയത്ത് കാവ് ഒഴിപ്പിക്കല്: രണ്ടാഴ്ച സാവകാശം അനുവദിച്ച് ഹൈക്കോടതി appeared first on NRI Reporter | Global News Updates.