ആരോഗ്യ സംരക്ഷണത്തിനായി പല പരിശോധനകളും മുന്കൂട്ടി നടത്തണമെന്നാണ് ലോകാരോഗ്യ സംഘടനയും ആരോഗ്യ കുടുംബക്ഷേമ മന്ത്രാലയവും അറിയിക്കുന്നത്.
രോഗങ്ങള് തടയാനുള്ള മാര്ഗ്ഗമായി നേരത്തെയുളള പരിശോധനകളെ കാണാം. വിട്ടുമാറാത്ത പലരോഗങ്ങളും തടയാനുള്ള മാര്ഗ്ഗമാണ് നേരത്തെയുള്ള കണ്ടെത്തല്.എന്നാല് ഏത് വയസുമുതലാണ് സ്ക്രീനിംഗ് ആരംഭിക്കേണ്ടത് എന്നത് പലര്ക്കും സംശയമുള്ള കാര്യമാണ്. അപകട സാധ്യത,ജീവിതശൈലി,കുടുംബചരിത്രം എന്നിവയെ ആശ്രയിച്ച് ഇക്കാര്യം നിശ്ചയിക്കാവുന്നതാണ്.
ഒരാ പ്രായത്തിലും ഓരോ പരിശോധനകള് നടത്തേണ്ടതുണ്ട്. ഇന്ത്യന് കൗണ്സില് ഓഫ് മെഡിക്കല് റിസര്ച്ചില് നിന്നുള്ള സര്ക്കാര് ഡാറ്റ കാണിക്കുന്നത് നഗരപ്രദേശങ്ങളില് താമസിക്കുന്നവരില് ജീവിതശൈലി രോഗങ്ങള് നേരത്തെ പ്രത്യക്ഷപ്പെടുന്നു എന്നാണ്. ഉദാസീനമായ ജോലികള്, ഉപ്പ് കൂടുതലടങ്ങിയ ഭക്ഷണക്രമം, സമ്മര്ദ്ദം, മോശം ഉറക്കം എന്നിവ ഇതില് ഒരു പങ്കു വഹിക്കുന്നു.
നിങ്ങളുടെ വൃക്ക ആരോഗ്യമുള്ളതാണോ?; അറിയേണ്ടതെല്ലാം
25 വയസില് അടിസ്ഥാന പരിശോധന നടത്താവുന്നതാണ്
25 വയസും അതിനോടടുത്തുളള പ്രായത്തിലും മിക്ക ആളുകളും ആരോഗ്യവാന്മാരായിരിക്കുകയും ആശുപത്രി സന്ദര്ശനങ്ങള് കുറവുള്ളതുമായ കാലമാണ്. അതുകൊണ്ടുതന്നെ ഈ പ്രായം അടിസ്ഥാന പരിശോധനയ്ക്ക് വളരെ യോജിച്ചതാണ്. അടിസ്ഥാന പരിശോധന എന്നാല് രക്തസമ്മര്ദ്ദം, രക്തത്തിലെ പഞ്ചസാര, കൊളസ്ട്രോള്, തൈറോയിഡിന്റെ പ്രവര്ത്തനം, ബോഡിമാസ് ഇന്ഡക്സ്, ഹീമോ ഗ്ലോബിന് എന്നിവയുടെ അളവും പ്രവര്ത്തനവും അറിയുക എന്നതാണ്. ജീവിതശൈലി, പാരമ്പര്യമായുണ്ടാകുന്ന ആരോഗ്യപ്രശ്നങ്ങള് ഇവ കണ്ടെത്തുന്നതിന് 20 വയസ്സ് തികയുമ്പോള് രക്തസമ്മര്ദ്ദ അളവുകള്, ഭാരം നോക്കല്, സാധാരണ രക്തപരിശോധനകള് എന്നിവയുള്പ്പെടെയുള്ള അടിസ്ഥാന ആരോഗ്യ പരിശോധനകള് നടത്തേണ്ടതുണ്ട്.
25 വയസില് നിര്ബന്ധമായും പരിശോധന നടത്തേണ്ടത് ആരൊക്കെയാണ്
പ്രമേഹം, ഹൃദ്രോഗം, തൈറോയിഡ് തകരാറുകള് എന്നീ രോഗങ്ങളുടെ കുടുംബ ചരിത്രമുള്ളവര്, പുകവലി, മദ്യപാനം,വിട്ടുമാറാത്ത സമ്മര്ദ്ദം ഇവയുള്ളവര്. ഇങ്ങനെയുള്ള ആളുകള് 25 വയസിനുള്ളില് നിര്ബന്ധമായും പരിശോധന നടത്തേണ്ടത് അത്യാവശ്യമാണ്.
ഹൃദയാഘാതത്തിന് 30 മിനിറ്റ് മുന്പ് പ്രത്യക്ഷപ്പെടുന്ന ലക്ഷണങ്ങള്
35 വയസില് നടത്തേണ്ട പരിശോധനകള്
35 ാം വയസുമുതലാണ് ആളുകളുടെ ജീവശാസ്ത്രം മാറാന് തുടങ്ങുന്നത്. അപ്പോള് മെറ്റബോളിസം മന്ദഗതിയിലാകുന്നു, ഭാരം വര്ധിക്കുന്നു, രക്തസമ്മര്ദ്ദത്തില് വ്യത്യാസം വരുന്നു. യുഎസ് പ്രിവന്റീവ് സര്വീസസ് ടാസ്ക് ഫോഴ്സ് 18 വയസും അതില് കൂടുതലുമുള്ള മുതിര്ന്നവരില് ഉയര്ന്ന രക്തസമ്മര്ദ്ദം കണ്ടെത്താനായി പതിവായി പരിശോധന നടത്താനും, ശരാശരി അപകടസാധ്യതയുള്ള പുരുഷന്മാര്ക്ക് 35 വയസ്സിനും സ്ത്രീകള്ക്ക് 45 വയസ്സിനും ഇടയില് ലിപിഡ് പരിശോധന ആരംഭിക്കാനും ശുപാര്ശ ചെയ്യുന്നു.30 വയസ്സ് തികയുമ്പോള് രക്തത്തിലെ പഞ്ചസാരയുടെ അളവ്, കൊളസ്ട്രോള് അളവ്, അവയവങ്ങളുടെ ആരോഗ്യം എന്നിവയ്ക്കായി പതിവായി പരിശോധന നടത്തേണ്ടത് ആവശ്യമാണ്. കാരണം ആദ്യകാല ഉപാപചയ വൈകല്യങ്ങള് ശ്രദ്ധേയമായ ലക്ഷണങ്ങളൊന്നുമില്ലാതെ തന്നെ പ്രത്യക്ഷപ്പെടാം.
- വാര്ഷിക രക്തസമ്മര്ദ്ദ പരിശോധന
- ഫാസ്റ്റിംഗ് ഗ്ലൂക്കോസ് അല്ലെങ്കില് HbA1c
- ഉയര്ന്ന അപകടസാധ്യതയുണ്ടെങ്കില് ഓരോ 4-6 വര്ഷത്തിലും അല്ലെങ്കില് അതിനുമുന്പും ലിപിഡ് പ്രൊഫൈല് പരിശോധിക്കേണ്ടതാണ്
- മദ്യം പതിവായി ഉപയോഗിക്കുകയാണെങ്കില് കരള് പ്രവര്ത്തന പരിശോധനകള്
- പുകയില ഉപയോഗിക്കുന്നവര്ക്ക് ഓറല് കാന്സര് പരിശോധന.
- സ്ത്രീകള്ക്ക് ക്ലിനിക്കല് സ്തന പരിശോധന
- സെര്വിക്കല് കാന്സര് സ്ക്രീനിംഗ് (പാപ്പ് സ്മിയര് അല്ലെങ്കില് HPV പരിശോധന)
നിങ്ങള് ഒരു പാരാസോഷ്യല് ബന്ധത്തിലാണോ? ലക്ഷണങ്ങള് ഇവയാണ്
45 വയസും അതിന് മുകളിലും പ്രായമുള്ളവര്
45 വയസ്സിന് മുകളിലുള്ളവര്ക്ക് ഹൃദയാരോഗ്യ സാധ്യതാ വിലയിരുത്തല്, പ്രമേഹ പരിശോധന, കാന്സര് കണ്ടെത്തല്, അസ്ഥിയുടെ സാന്ദ്രത വിലയിരുത്തല് എന്നിവ ഉള്പ്പെടുന്ന വിവിധ ആരോഗ്യ പരിശോധനകള് നടത്തേണ്ടതുണ്ട്.
- കുറഞ്ഞ ഇടവേളകളിലുള്ള രക്തത്തിലെ പഞ്ചസാരയും ലിപിഡ് പ്രൊഫൈലും
- അപകടസാധ്യത ഘടകങ്ങള് നിലവിലുണ്ടെങ്കില് ഇ.സി.ജി പരിശോധന
- സ്തനാര്ബുദ പരിശോധനയ്ക്കുള്ള മാമോഗ്രാഫി
- 45 വയസ്സില് ആരംഭിക്കേണ്ട വന്കുടല് കാന്സര് പരിശോധന.
- ഡോക്ടറുമായി ചര്ച്ച ചെയ്ത ശേഷം prostate-specific ആന്റിജന് പരിശോധന.
Content Highlights : At every age, various changes occur in the body. Early health checkups are necessary to prevent diseases.