ലോകത്തിലെ ഏറ്റവും വലിയ റെയില്വേ ശൃംഖലകളില് ഒന്നാണ് ഇന്ത്യന് റെയില്വേ. 68,000 കിലോമീറ്ററുകളിലധികമാണ് ഇത് വ്യാപിച്ച് കിടക്കുന്നത്.
ദിവസവും ദശലക്ഷക്കണക്കിന് ആളുകളാണ് യാത്രയ്ക്കായി ട്രെയിനുകളെ ആശ്രയിക്കുന്നത്. എന്നാല് നമ്മള് ദിവസവും ഉപയോഗിക്കുന്ന ട്രെയിന് എന്ന വാക്കിന് ഒരു പൂര്ണ രൂപം ഉണ്ട് എന്ന് എപ്പോഴെങ്കിലും ചിന്തിച്ചിട്ടുണ്ടോ?.
'TRAIN' എന്നതിന്റെ ചുരുക്കെഴുത്ത് 'ടൂറിസ്റ്റ് റെയില്വേ അസോസിയേഷന് ഇന്കോര്പ്പറേറ്റഡ്' എന്നാണെന്നാണ് ചിലര് അവകാശപ്പെടുന്നത്. എന്നിരുന്നാലും, ഇത് ഒരു ഔദ്യോഗിക ചുരുക്കെഴുത്തല്ലെന്ന് ഭാഷാശാസ്ത്രജ്ഞര് വ്യക്തമാക്കുന്നു. 'ട്രെയിന്' എന്ന വാക്ക് ഒരു ഹ്രസ്വ രൂപമല്ല. മറിച്ച് ഒരു സാധാരണ ഇംഗ്ലീഷ് പദമാണ്. 'ട്രെയിന്' എന്ന വാക്കിന്റെ ഉത്ഭവം 'വലിക്കുക' അല്ലെങ്കില് 'വലിച്ചിടുക' എന്നര്ത്ഥമുള്ള 'ട്രെയ്നര്' പോലുള്ള ഫ്രഞ്ച് പദങ്ങളില് നിന്നാണെന്ന് വിശ്വസിക്കപ്പെടുന്നു. ഒരു എഞ്ചിന് വലിക്കുന്ന ഒരു കൂട്ടം കോച്ചുകള്, ഒരു ട്രെയിനിന്റെ പ്രവര്ത്തനത്തെ പ്രതിഫലിപ്പിക്കുന്നു.
ഹിന്ദിയില് ട്രെയിനിനെ 'ലൗ പത് ഗാമിനി' എന്ന് വിളിക്കാറുണ്ട്. അതായത് ഇരുമ്പ് ട്രാക്കുകളില് സഞ്ചരിക്കുന്ന വാഹനം എന്ന് അര്ഥം. എന്നിരുന്നാലും 'ട്രെയിന്' എന്ന വാക്ക് വളരെ സാധാരണമായി എല്ലാവരും ഉപയോഗിച്ചുവരുന്നു. വാസ്തവത്തില്, 'ട്രെയിന്' എന്നതിന് ഔദ്യോഗികമായ പൂര്ണ്ണരൂപമൊന്നുമില്ല. കാലക്രമേണ പരിണമിച്ചുവന്ന ഒരു വാക്ക് മാത്രമാണിത്. എന്നിരുന്നാലും ഈ വാക്കിനെ ചുറ്റിപ്പറ്റിയുള്ള ജിജ്ഞാസ ആളുകളെ ഇപ്പോഴും ആകര്ഷിക്കുന്നു.
മനുഷ്യരെപ്പോലെ ട്രെയിനും ജോലിയില്നിന്ന് വിരമിക്കുമോ?
റെയില്വേയുമായി ബന്ധപ്പെട്ട മറ്റ് പദങ്ങള്
ഐആര്സിടിസി (IRCTC) - ഇന്ത്യന് റെയില്വേ കാറ്ററിംഗ് ആന്ഡ് ടൂറിസം കോര്പ്പറേഷന്.( ഇന്ത്യന് റെയില്വേയുടെ കാറ്ററിംഗ്, ടൂറിസം, ഓണ്ലൈന് ടിക്കറ്റിംഗ് പ്രവര്ത്തനങ്ങള് കൈകാര്യം ചെയ്യുന്നതിനുള്ള ഉത്തരവാദിത്തം)
ഐആര്എഫ്സി (IRFC) - ഇന്ത്യന് റെയില്വേ ഫിനാന്സ് കോര്പ്പറേഷന്
ഐആര്സിഒഎന് (IRCON) - ഇന്ത്യന് റെയില്വേ കണ്സ്ട്രക്ഷന് ലിമിറ്റഡ്
ആര്വിഎന്എല് (RVNL) - റെയില് വികാസ് നിഗം ലിമിറ്റഡ്
Content Highlights :Millions of people rely on trains for their travel every day. Do you know the full form of the word 'train'?