ഒന്ന് ആലോചിച്ച് നോക്കൂ അവസാനമായി ഇഷ്ടപ്പെട്ട ഒരാളെ കെട്ടിപ്പിടിച്ചത് എപ്പോഴാണെന്ന്. ഇനി അങ്ങനെ സംഭവിച്ചിട്ടില്ല എന്നാണ് ഓര്മ പറയുന്നതെങ്കില് നിങ്ങളുടെ ജീവിതം വരണ്ടതാണെന്ന് പറയേണ്ടിവരും.
സ്നേഹവും ആലിംഗനവും ലളിതവും നിശബ്ദവുമാണ്. എന്നാല് ശക്തമാണ് താനും. വാക്കുകള് കൊണ്ട് പറയാന് കഴിയാത്ത വിഷമങ്ങള് ഒരു കെട്ടിപ്പിടുത്തത്തിന് അലിയിച്ചുകളയാന് സാധിക്കും. ആലിംഗനത്തിന് ഒരുപാട് ഗുണങ്ങളുണ്ട്. അത് എന്തൊക്കെയാണെന്നല്ലേ?.
ആലിംഗനം സമ്മര്ദ്ദം കുറയ്ക്കുന്നു
ജീവിതം വളരെ വിരസമായി സമ്മര്ദ്ദകരമായി തോന്നുമ്പോള് ആലിംഗനം ഒരു റീസെറ്റ് ബട്ടണ് പോലെ പ്രവര്ത്തിക്കുന്നു. നമ്മള് ഒരാളെ കെട്ടിപ്പിടിക്കുമ്പോള് സമ്മര്ദ്ദ ഹോര്മോണായ കോര്ട്ടിസോള് കുറയുകയും ശരീരം ശാന്തമാകുകയും ചെയ്യുന്നുവെന്നാണ് ശാസ്ത്രം പറയുന്നത്.അതുകൊണ്ടാണ് ഊഷ്മളമായ ഒരു ആലിംഗനം പലപ്പോഴും ആശ്വാസമായി തോന്നുന്നത്.
മുട്ട കഴിക്കുന്നവരുടെ ശ്രദ്ധയ്ക്ക് ; മഞ്ഞക്കരു കൊളസ്ട്രോള് വര്ധിപ്പിക്കുമോ? എന്താണ് സത്യം; അറിയാം
സന്തോഷം വര്ധിപ്പിക്കുന്നു
ആലിംഗനം സന്തോഷത്തിന്റെ ഹോര്മോണായ ഓക്സിടോസിന് പുറത്തുവിടുന്നു. ഇത് വ്യക്തികള് തമ്മിലുള്ള സ്നേഹം, അടുപ്പം, വിശ്വാസം എന്നീ വികാരങ്ങളെ വര്ധിപ്പിക്കുന്നു. ആലിംഗനം ബന്ധങ്ങളെ കൂടുതല് ശക്തമാക്കുക മാത്രമല്ല അത് വ്യക്തികളെ കൂടുതല് സന്തോഷിപ്പിക്കുകയും ചെയ്യും.
ബന്ധങ്ങളെ ശക്തിപ്പെടുത്തുന്നു
വാക്കുകള് പരാജയപ്പെട്ടാലും ആലിംഗനത്തിന് പല കാര്യങ്ങളും പറയാതെ പറയാന് കഴിയുമെന്നാണല്ലോ.ഇത് വ്യക്തികള് തമ്മിലുളള കരുതല്, ഉറപ്പ്, അടുപ്പം എന്നിവ വര്ധിപ്പിക്കുന്നു. പരസ്പരം ആലിംഗനം ചെയ്യുന്ന ദമ്പതികള്ക്ക് ബന്ധത്തില് കൂടുതല് സുരക്ഷിതത്വം അനുഭവപ്പെടും. പതിവായി ആലിംഗനം ചെയ്യുന്ന സുഹൃത്തുക്കളും കുടുംബാംഗങ്ങളും ആഴത്തിലുള്ള വിശ്വാസം വളര്ത്തിയെടുക്കുന്നു.
ആലിംഗനം ആരോഗ്യം മെച്ചപ്പെടുത്തുന്നു
ഒരു ആലിംഗനത്തിന് എങ്ങനെ ആരോഗ്യം മെച്ചപ്പെടുത്താന് കഴിയും എന്നല്ലേ? ഇക്കാര്യം വളരെ ശരിയാണെന്ന് വൈദ്യശാസ്ത്രം തന്നെ പറയുന്നുണ്ട്. ആലിംഗനങ്ങള് രക്തസമ്മര്ദ്ദം കുറയ്ക്കുകയും പ്രതിരോധശേഷി മെച്ചപ്പെടുത്തുകയും ചെയ്യുമെന്ന് പഠനങ്ങള് സൂചിപ്പിക്കുന്നു. ആലിംഗനം വൈകാരികമായ മരുന്ന് മാത്രമല്ല സ്നേഹത്തില് പൊതിഞ്ഞ ഫിസിക്കല് തെറാപ്പി കൂടിയാണ്.
ആലിംഗനം നമ്മേ സുരക്ഷിതരാക്കുന്നു
മനുഷ്യന്റെ ഏറ്റവും പ്രാഥമിക ആവശ്യങ്ങളില് ഒന്നാണ് സുരക്ഷ. ആലിംഗനം അത് മനോഹരമായി നിറവേറ്റുന്നു. നമ്മള് മറ്റേ ആളാല് സംരക്ഷിക്കപ്പെടുന്നുവെന്നും പരിപാലിക്കപ്പെടുന്നുവെന്നും തലച്ചോറിന് സൂചന നല്കുന്നു. അതുകൊണ്ടാണ് കുട്ടികള് മാതാപിതാക്കളില് നിന്ന് ആലിംഗനം തേടുന്നത്.
Content Highlights :There are many miracles that a hug can do. Love and hugs are simple and silent. But they are also powerful.