നാഷനല് കമ്മിറ്റി ഫോര് ദി അഡ്മിനിസ്ട്രേഷന് ഓഫ് ഗസ്സയ്ക്കാണ് (എന്.സി.എ.ജി) അധികാരം കൈമാറുകയെന്ന് ഹമാസ് വക്താവ് ഹാസിം ഖാസിം പറഞ്ഞു.

2007 ലാണ് ഫത്ഹില്നിന്ന് ഗസ്സ ഹമാസ് പിടിച്ചെടുത്തത്. കഴിഞ്ഞ വര്ഷം ഹമാസ് ഗസ്സയില് തെരഞ്ഞെടുപ്പ് നടത്തിയിരുന്നു. ഗസ്സയില് ഇസ്റാഈലും ഹമാസും തമ്മില് വെടിനിര്ത്തല് കരാറിലെത്തിയിട്ടുണ്ടെങ്കിലും ഇസ്റാഈല് ഗസ്സയില് ആക്രമണം തുടരുന്നുണ്ട്.

ഹമാസ് സര്ക്കാരിന്റെ എമര്ജന്സി കമ്മിറ്റി മേധാവി മുഹമ്മദ് അല് ഫറ ആണ് തല്സ്ഥാനത്തു നിന്ന് രാജിവയ്ക്കാന് തീരുമാനിച്ചത്. ഇതോടെ ഹമാസിന്റെ ഗവണ്മെന്റ് എമര്ജന്സി കമ്മിറ്റി പിരിച്ചുവിടപ്പെട്ടു. അധികാരം സുഗമമായി കൈമാറുന്നതിന്റെ ഭാഗമായാണ് നിലവിലെ സര്ക്കാരിനെ പിരിച്ചുവിട്ടതെന്ന് ഗസ്സ ഗവണ്മെന്റ് മീഡിയ ഓഫിസ് അറിയിച്ചു.

ഗസ്സയിലെ കണ്ണീരിനും മാനുഷിക പരിഗണനകള്‍ക്കും വിലകല്‍പ്പിക്കാതെ ഇസ്റാഈല്‍; ഹമാസ് പൂർണ്ണമായി കീഴടങ്ങാതെ പുനർനിർമ്മാണം അനുവദിക്കില്ലെന്ന് നെതന്യാഹു

ഗസ്സയിലെ തങ്ങളുടെ ഭരണം പിരിച്ചുവിടാനുള്ള ഹമാസിന്റെ തീരുമാനം, തങ്ങള് സമാധാന ശ്രമങ്ങള്ക്ക് തടസ്സമല്ലെന്ന് യു.എസ് പ്രസിഡന്റ് ഡൊണാള്ഡ് ട്രംപിനെ ബോധ്യപ്പെടുത്താനുള്ള തന്ത്രപരമായ നീക്കമാണെന്ന് വിദഗ്ദ്ധര് വിലയിരുത്തുന്നു. മിഡില് ഈസ്റ്റ് ഐ (Middle East Eye) ആണ് ഇത് റിപ്പോര്ട്ട് ചെയ്തത്.

'ദിവസവും ബോംബാക്രമണവും കൊലപാതകങ്ങളും നടത്തുന്ന ഇസ്റാഈലിനെപ്പോലെയല്ല തങ്ങളെന്നും, ട്രംപിന്റെ സമാധാന കരാറിന് തങ്ങള് തടസ്സമല്ലെന്നുമാണ് ഹമാസ് ഇതിലൂടെ സൂചന നല്കുന്നത്.'ക്വിന്സി ഇന്സ്റ്റിറ്റ്യൂട്ട് ഫോര് റെസ്പോണ്സിബിള് സ്റ്റേറ്റ്ക്രാഫ്റ്റിലെ മിഡില് ഈസ്റ്റ് പ്രോഗ്രാമിന്റെ സീനിയര് റിസര്ച്ച്‌ ഫെലോ ആയ ഖാലിദ് എല്ഗിന്ദി ചൂണ്ടിക്കാട്ടി.

അധിനിവേശം ചെയ്യപ്പെട്ട വെസ്റ്റ് ബാങ്കില് പരിമിതമായ ഭരണം നടത്തുന്ന ഹമാസിന്റെ രാഷ്ട്രീയ എതിരാളികളായ ഫലസ്തീന് അതോറിറ്റിയേക്കാള് ഗസ്സയിലെ സിവില് ഭരണം NCAGക്ക് വിട്ടുകൊടുക്കാന് നിലവില് കൂടുതല് തയ്യാറുള്ളത് ഹമാസാണെന്നും എല്ഗിന്ദി കൂട്ടിച്ചേര്ത്തു.

ഗസ്സയില് ഇസ്റാഈല് കൊന്നൊടുക്കിയത് 21,500ലെറെ കുഞ്ഞുങ്ങളെ; അതില് ആയിരത്തിലേറെ ശിശുക്കള്

'ഈ നീക്കം അതിശയിപ്പിക്കുന്നതോ പ്രതീക്ഷിക്കാത്തതോ ആയ ഒന്നല്ല, എങ്കിലും ഇത് തികച്ചും ശ്രദ്ധേയമാണ്,' അദ്ദേഹം പറഞ്ഞു.

ഗസ്സയില് 73,000-ത്തിലധികം ഫലസ്തീനികള് കൊല്ലപ്പെട്ട വംശഹത്യ അവസാനിപ്പിക്കുന്നതിനായി 2025 സെപ്റ്റംബറില് യു.എസ്, ഖത്തര്, ഈജിപ്ത് എന്നിവരുടെ മധ്യസ്ഥതയില് രൂപീകരിച്ച സമാധാന കരാറിന്റെ ഭാഗമാണ് ഈ സമിതി. ഗസ്സയിലെ ദൈനംദിന കാര്യങ്ങള് നിയന്ത്രിക്കാന് ഉദ്ദേശിച്ചുള്ള, ഗസ്സയില് നിന്നുള്ള ഫലസ്തീന് വിദഗ്ദ്ധര് (Technocrats) അടങ്ങുന്നതാണ് നാഷണല് കമ്മിറ്റി ഫോര് ദി അഡ്മിനിസ്ട്രേഷന് ഓഫ് ഗസ്സ (NCAG).

അതേസമയം, ഈ സമിതിക്ക് ഇതുവരെ ഗസ്സയിലേക്ക് പ്രവേശിക്കാന് കഴിഞ്ഞിട്ടില്ല. നിലവില് ഈജിപ്തിലെ കെയ്റോ കേന്ദ്രീകരിച്ചാണ് ഈ കമ്മിറ്റി പ്രവര്ത്തിക്കുന്നത്.

Hamas has reportedly dissolved the Gaza government as part of a ceasefire agreement and preparations for a potential transfer of administrative authority. The move is seen as a significant development in ongoing efforts to end the conflict and reshape governance in Gaza.