ആധുനിക ക്രിക്കറ്റിലെ ഏറ്റവും മികച്ച ബാറ്റ്സ്മാനെന്ന് വിശേഷിപ്പിക്കപ്പെടുന്ന താരമാണ് ഇന്ത്യന്‍ നായകന്‍ വിരാട് കോലി. എന്നാല്‍ ലോക ഒന്നാം നമ്ബര്‍ ബാറ്റ്സ്മാനൊത്ത പ്രകടനമല്ല കഴിഞ്ഞ കുറച്ച്‌ കാലങ്ങളായി ഇന്ത്യന്‍ നായകന്‍ കാഴ്‌ച്ചവെക്കുന്നത്. ഇതോടെ കോലിയുടെ പ്രതാപകാലം കഴിയുകയാണോ എന്ന ആശങ്കയിലാണ് ക്രിക്കറ്റ് ആരാധകര്‍.
വലിയ സ്‌കോറുകള്‍ നേടുന്നത് ഒരു ഹോബിയാക്കി മാറ്റിയിരുന്ന കോലിക്ക് ഇംഗ്ലണ്ടിനെതിരായ ടെസ്റ്റ് പരമ്ബരയിലും കാര്യമായ പ്രകടനം കാഴ്‌ച്ചവെക്കാന്‍ കഴിയാതായതോടെയാണ് ആരാധകര്‍ക്ക് ആശങ്ക വര്‍ധിച്ചിരിക്കുന്നത്.2020നു ശേഷമുള്ള കോലിയുടെ ടെസ്റ്റിലെ കരിയര്‍ ഗ്രാഫ് നോക്കിയാല്‍ 11 ഇന്നിങ്സുകളില് ഒരു സെഞ്ചുറി പോലും താരം നേടിയിട്ടില്ല.
11 ഇന്നിങ്സുകളില് വെറും മൂന്നു ഫിഫ്റ്റികള്‍ മാത്രമേ കോലിക്കു നേടേനായിട്ടുള്ളൂ. 74 റണ്‍സാണ് ഉയര്‍ന്ന സ്‌കോര്‍.72, 62 എന്നിവയാണ് മറ്റു മൂന്നു മികച്ച പ്രകടനങ്ങള്‍.2015-19 വരെ ടെസ്റ്റില്‍ 84 ഇന്നിങ്സുകളില് നിന്നും 62.15 ശരാശരിയില്‍ 4848 റണ്‍സ് വാരിക്കൂട്ടിയ കോലിക്ക് 2020ല്‍ കളിച്ച 11 ഇന്നിങ്സുകളില് നിന്ന് 26.18 എന്ന മോശം ശരാശരിയില്‍ നേടാനായത് വെറും 288 റണ്‍സ് മാത്രമാണ്. 32കാരനായ കോലിക്ക് മുന്നില്‍ പ്രായം ഒരു വെല്ലുവിളിയായി നില്‍ക്കുമ്ബോളും പഴയഫോമിലേക്ക് താരം മടങ്ങിയെത്തുമെന്ന പ്രതീക്ഷയിലാണ് ആരാധകര്‍.