ഇത് സൂചിപ്പിക്കുന്നത് സംസ്ഥാനത്ത് ഏകദേശം ആറ് ദിവസത്തിലൊരിക്കല്‍ ഒരു ലിംഗനിര്‍ണ്ണയ റാക്കറ്റ് പിടിക്കപ്പെട്ടിരുന്നു എന്നാണ്. 2023 നും 2025 നും ഇടയില്‍ ഭ്രൂണത്തിന്റെ ലിംഗഭേദം വെളിപ്പെടുത്തല്‍ സംബന്ധിച്ച 106 കേസുകള്‍ ഹരിയാനയില്‍ രജിസ്റ്റര്‍ ചെയ്തു. രാജ്യവ്യാപകമായി രജിസ്റ്റര്‍ ചെയ്ത ആകെ 184 കേസുകളില്‍ 57.6 ശതമാനം ഹരിയാനയിലാണ്.

ഈ കാലയളവില്‍ 28 കേസുകളുമായി ഗുജറാത്ത് രണ്ടാം സ്ഥാനത്തും 11 കേസുകളുമായി രാജസ്ഥാന്‍ മൂന്നാം സ്ഥാനത്തുമാണ്. ഈ വര്‍ഷം ഇതുവരെ ഹരിയാനയിലെ ലിംഗനിര്‍ണ്ണയ പരിശോധനകള്‍ക്കെതിരെ നിരവധി റെയ്ഡുകള്‍ നടത്തിയിട്ടുണ്ട്. ജൂലൈ 16 ന്, രാജസ്ഥാന്‍ പോലീസ് സംഘം സിര്‍സയിലെ ദബ്വാലിയില്‍ ഒരു ഇടനിലക്കാരനെ അറസ്റ്റ് ചെയ്യുകയും ലിംഗനിര്‍ണ്ണയ പരിശോധന നടത്തിയ ഒരു സ്വകാര്യ ആശുപത്രി റെയ്ഡ് ചെയ്യുകയും ചെയ്തു.

ജൂലൈ 5 ന് കര്‍ണാലിലെ ഇന്ദ്രിയില്‍ ലിംഗനിര്‍ണ്ണയ പരിശോധന നടത്തുന്നതിനിടെ ഒരു ഡോക്ടര്‍ പിടിക്കപ്പെട്ടു. മെയ് 27 ന് ഉത്തര്‍പ്രദേശിലെ അംരോഹയിലെ ഒരു വീട്ടില്‍ ആരോഗ്യവകുപ്പ് സംഘം റെയ്ഡ് നടത്തി ലിംഗനിര്‍ണ്ണയ പരിശോധനയില്‍ ഏര്‍പ്പെട്ട ഏഴ് പേരെ അറസ്റ്റ് ചെയ്തു. റോഹ്തക്കില്‍ നിന്നുള്ള ഗര്‍ഭിണികള്‍ ഇടയ്ക്കിടെ സ്ഥലം സന്ദര്‍ശിക്കാറുണ്ടായിരുന്നു. അവിടെ നിന്ന് ഒരു പോര്‍ട്ടബിള്‍ അള്‍ട്രാസൗണ്ട് മെഷീന്‍ കണ്ടെടുത്തു.

ഹരിയാന സര്‍ക്കാരിന്റെ കണക്കനുസരിച്ച്‌ 2024 ജനുവരി മുതല്‍ 2026 മാര്‍ച്ച്‌ വരെ സംസ്ഥാനം 84 റെയ്ഡുകള്‍ നടത്തി. അതില്‍ 37 എണ്ണം യുപിയിലാണ്.