सुमारे पाच आठवड्यांपासून सुरू असलेल्या या संघर्षात पहिल्यांदाच अमेरिकन विमानं पाडली गेल्याची पुष्टी झाली असून, त्यामुळे अमेरिकेच्या हवाई वर्चस्वाच्या दाव्यांवर प्रश्नचिन्ह निर्माण झाले आहे.

अमेरिकन आणि इराणी अधिकाऱ्यांच्या माहितीनुसार, एक F-15E स्ट्राइक ईगल लढाऊ विमान इराणच्या हद्दीत पाडण्यात आले. या विमानातील दोन क्रू मेंबरपैकी एकाला सुरक्षित बाहेर काढण्यात यश आले, तर दुसरा पायलट अजूनही इराणमध्ये बेपत्ता आहे. त्याच्या शोधासाठी सुरू असलेले रेस्क्यू ऑपरेशनही धोक्यात आले आहे.

याच दरम्यान, रेस्क्यू मिशनसाठी पाठवण्यात आलेल्या दोन ब्लॅक हॉक हेलिकॉप्टरांवरही इराणकडून गोळीबार करण्यात आला. दोन्ही हेलिकॉप्टर कसाबसा इराणी हवाई क्षेत्राबाहेर पडण्यात यशस्वी झाले, मात्र काही क्रू मेंबर जखमी झाल्याची माहिती आहे.

दुसऱ्या एका घटनेत, A-10 वॉर्थॉग अटॅक विमानालाही लक्ष्य करण्यात आले आणि ते कुवैतच्या हवाई क्षेत्रात कोसळले. पायलटने वेळीच इजेक्ट होऊन आपला जीव वाचवला आणि नंतर त्याला सुरक्षित बाहेर काढण्यात आले. याशिवाय, एक F-16 विमानाला आपत्कालीन लँडिंग करावी लागली, तर एक ते दोन KC-135 रिफ्यूलिंग टँकरांनीही आपत्कालीन स्थिती जाहीर केली. या घटनांमुळे हे स्पष्ट झाले आहे की इराण आणि खाडी प्रदेशावरील हवाई क्षेत्र आता अत्यंत धोकादायक युद्धक्षेत्र बनले आहे, जिथे अमेरिकन विमानांना सतत आव्हानांचा सामना करावा लागत आहे.

बेपत्ता अमेरिकन पायलटच्या शोधासाठी इराणच्या इस्लामिक रिव्होल्यूशनरी गार्ड कॉर्प्सने दक्षिण-पश्चिम भागात शोधमोहीम सुरू केली आहे. इराणी प्रशासनाने नागरिकांना त्या पायलटबाबत माहिती देण्याचे किंवा त्याला जिवंत अथवा मृत पकडण्याचे आवाहन केले असून त्यासाठी बक्षीस जाहीर करण्यात आले आहे. दरम्यान, अमेरिकेचे राष्ट्राध्यक्ष डोनाल्ड ट्रम्प यांना व्हाइट हाऊसमध्ये सतत अपडेट्स दिले जात आहेत. ट्रम्प यांनी या घटनांचा परिणाम कमी लेखत म्हटले, 'नाही, अजिबात नाही. हे युद्ध आहे.'

भारत-दक्षिण कोरियामध्ये जहाजबांधणी क्षेत्रातील कौशल्य विकासासाठी करार

वाढत्या उष्णतेत शरीराला थंडावा देणारा 'खरबूज'! आयुर्वेदात काय म्हटले आहे?

रशियाकडून भारताला ऊर्जा पुरवठा वाढवण्याचा प्रस्ताव

'हमारा बजाज' मागील आवाज हरपला! गायक विनय मांडके यांचे निधन

खरं तर या युद्धाची सुरुवात २८ फेब्रुवारीला अमेरिकन आणि इस्रायली हल्ल्यांपासून झाली होती, ज्यात इराणच्या इस्लामिक राजवटीच्या सर्वोच्च नेत्याचा मृत्यू झाला होता. त्यानंतर आतापर्यंत हजारो लोकांचा मृत्यू झाला असून शेकडो अमेरिकन सैनिक जखमी झाले आहेत. आता हा संघर्ष संपूर्ण मध्य-पूर्वेत पसरला आहे. इराणकडून ड्रोन आणि क्षेपणास्त्र हल्ल्यांद्वारे इस्रायल आणि अमेरिकेला समर्थन देणाऱ्या खाडी देशांना लक्ष्य केले जात आहे. कुवैतमधील ऊर्जा संरचनेवर झालेल्या हल्ल्यांनंतर जागतिक तेल बाजारातही मोठी उलथापालथ दिसून येत आहे.