माहितीनुसार, हा अपघात मंगळवारी (२८ जुलै) सकाळी सुमारे ६ वाजण्याच्या सुमारास झाला. अमरनाथ गुहेचे दर्शन घेऊन परतणारी बस हरिगणीवानजवळ अचानक नियंत्रण सुटून रस्त्यावरून घसरली आणि उलटली. अपघाताची माहिती मिळताच सीआरपीएफच्या ११८ व्या बटालियनचे जवान, भारत-तिबेट सीमा पोलीस (ITBP) आणि स्थानिक पोलीस घटनास्थळी दाखल झाले. सुरक्षा दल आणि प्रशासनाच्या संयुक्त पथकाने तात्काळ बचावकार्य सुरू करून बसमध्ये अडकलेल्या प्रवाशांना सुरक्षित बाहेर काढले. प्रशासनाने अपघाताच्या कारणांचा तपास सुरू केला आहे. प्राथमिक माहितीनुसार, बसवरील चालकाचे नियंत्रण सुटल्याने बस रस्त्यावरून घसरून उलटली आणि हा अपघात घडला.

जखमींना प्राथमिक उपचारानंतर कंगन रुग्णालयात नेण्यात आले. त्यानंतर ज्यांना अधिक उपचारांची आवश्यकता होती, त्यांना श्रीनगरमधील एसकेआयएमएस (SKIMS) रुग्णालयात दाखल करण्यात आले असून त्यांच्यावर उपचार सुरू आहेत. अधिकाऱ्यांनी दिलेल्या माहितीनुसार, सर्व जखमींच्या प्रकृतीवर सातत्याने लक्ष ठेवले जात असून त्यांना आवश्यक वैद्यकीय सुविधा उपलब्ध करून दिल्या जात आहेत.

उमर खालिद, शर्जील इमामच्या समर्थनार्थ फलक; महिलेविरोधात एफआयआर

जंतर-मंतरवरील आंदोलनाला परवानगी होती, संसद मोर्चाला नाही

'अल्लाहने आदेश दिला' म्हणत तीन महिलांवर चाकूहल्ला

कीर्तनकार, हिंदुत्ववादी कार्यकर्त्या क्रांतिगीता ताई महाबळ यांचे निधन

या घटनेची दखल घेत जम्मू-काश्मीरचे नायब राज्यपाल मनोज सिन्हा यांनी सोशल मीडिया प्लॅटफॉर्म 'एक्स'वर पोस्ट करत म्हटले, 'गांदरबलचे उपायुक्त आणि आरोग्य अधिकाऱ्यांशी चर्चा करून आज सकाळी गनीवान येथे झालेल्या दुर्दैवी रस्ते अपघातात जखमी झालेल्या श्री अमरनाथ यात्रेतील भाविकांच्या प्रकृतीची माहिती घेतली. बाबा बर्फानींचे दर्शन करून परतणारे ३९ भाविक जखमी झाले असून त्यांच्यावर सध्या एसकेआयएमएसमध्ये उपचार सुरू आहेत. आरोग्य अधिकाऱ्यांना सर्वतोपरी मदत आणि सर्वोत्तम उपचार उपलब्ध करून देण्याचे निर्देश दिले आहेत. जखमी भाविक लवकर बरे व्हावेत, यासाठी मी भगवान शिवचरणी प्रार्थना करतो.'