हा भूकंप २ जून २०२६ रोजी सकाळी ७.४३ वाजता झाला असून त्याचे केंद्र समुद्रसपाटीपासून सुमारे १० किलोमीटर खोलीवर होते.

एनसीएसने दिलेल्या माहितीनुसार, भूकंपाचे केंद्र बंगालच्या उपसागरात होते. त्याचे स्थान १४.०२७ अंश उत्तर अक्षांश आणि ९३.१३२ अंश पूर्व रेखांशावर नोंदवले गेले. हा भूकंप उथळ खोलीवर (शॅलो फोकस) झाल्याने त्याचे धक्के समुद्री भागात तुलनेने अधिक जाणवू शकतात. एनसीएसने सोशल मीडिया प्लॅटफॉर्म 'एक्स'वर माहिती देताना म्हटले की, '२ जून २०२६ रोजी सकाळी ७.४३ वाजता बंगालच्या उपसागरात ४.६ तीव्रतेचा भूकंप झाला. त्याची खोली १० किलोमीटर होती.'

भूकंपानंतर जीवित किंवा वित्तहानी, समुद्री अडथळे किंवा त्सुनामीसदृश परिस्थितीची कोणतीही माहिती समोर आलेली नाही. प्रशासन आणि संबंधित यंत्रणा परिस्थितीवर लक्ष ठेवून आहेत. विशेष म्हणजे, याच वर्षी फेब्रुवारी महिन्यातही बंगालच्या उपसागरात मध्यम तीव्रतेचा भूकंप झाला होता. ११ फेब्रुवारी २०२६ रोजी सकाळी ५.१२ वाजता झालेल्या त्या भूकंपाची तीव्रता ४.३ इतकी होती. त्यावेळीही भूकंपाचे केंद्र १० किलोमीटर खोलीवर होते.

पाकिस्तानात बाजारपेठा रात्री ८ वाजता होणार बंद!

वेदांता समूहावर ईडीची छापेमारी

बलात्कार पीडितेची ओळख उघड केल्याप्रकरणी सौरभ भारद्वाज यांच्यावर एफआयआर

सलमान खानने 'काला हिरण'च्या निर्मात्यांना पाठवली कायदेशीर नोटीस

भूकंपशास्त्रानुसार पृथ्वीच्या पृष्ठभागापासून सुमारे ७०० किलोमीटर खोलीपर्यंत भूकंप होऊ शकतात. अभ्यासासाठी त्यांचे उथळ (शॅलो), मध्यम (इंटरमीडिएट) आणि खोल (डीप) अशा तीन प्रकारांत वर्गीकरण केले जाते. United States Geological Survey (यूएसजीएस) च्या माहितीनुसार, ० ते ७० किलोमीटर खोलीवरील भूकंप उथळ, ७० ते ३०० किलोमीटर खोलीवरील भूकंप मध्यम, तर ३०० ते ७०० किलोमीटर खोलीवरील भूकंप खोल स्वरूपाचे मानले जातात. तज्ज्ञांच्या मते, उथळ खोलीवर होणाऱ्या भूकंपांचा परिणाम पृथ्वीच्या पृष्ठभागावर अधिक जाणवू शकतो. मात्र, मंगळवारी बंगालच्या उपसागरात झालेल्या ४.६ तीव्रतेच्या भूकंपामुळे कोणत्याही मोठ्या नुकसानाची माहिती मिळालेली नाही.