भारताची त्रिकंड ही युद्धनौका केनियात दाखल

भारतीय नौदलाची फ्रंटलाइन गाइडेड क्षेपणास्त्र युद्धनौका 'त्रिकंड' केनिया मध्ये दाखल झाली आहे. ही युद्धनौका केनियातील मोम्बासा बंदरावर पोहोचली आहे.

येथे भारताने केनियाला १०० रायफल्स आणि सुमारे ५० हजार गोळ्या प्रदान केल्या आहेत. तसेच, भारत केनियन संरक्षण दलांना एमआरआय मशीन देखील उपलब्ध करून देणार आहे.

या अत्याधुनिक युद्धनौकेच्या केनिया दौऱ्याचा उद्देश भारत आणि केनिया यांच्यातील सागरी सहकार्य अधिक बळकट करणे आणि द्विपक्षीय संबंध दृढ करणे हा आहे. नौदलाने दिलेल्या माहितीनुसार, 'त्रिकंड' ही युद्धनौका दक्षिण-पश्चिम हिंदी महासागर क्षेत्रातील ऑपरेशनल तैनातीचा भाग म्हणून येथे आली आहे. हा दौरा पश्चिम नौदल कमांडचे कमांडर-इन-चीफ उप-नौसेनाध्यक्ष कृष्णा स्वामीनाथन यांच्या केनिया भेटीसोबत होत आहे.

या भेटीदरम्यान मोम्बासा येथे विविध व्यावसायिक, सांस्कृतिक आणि सामाजिक कार्यक्रम आयोजित करण्यात येणार आहेत. तसेच भारतीय पथक केनियन संरक्षण दलांना आवश्यक साहित्य सुपूर्द करत आहे. युद्धनौकेचे कमांडिंग अधिकारी केनिया सरकारच्या वरिष्ठ अधिकाऱ्यांशीही चर्चा करणार आहेत, ज्यातून परस्पर सहकार्य अधिक मजबूत करण्याचा प्रयत्न होईल.

या दौऱ्यादरम्यान भारत आणि केनिया यांच्यात उच्चस्तरीय संरक्षण संवादही झाला. भारताचे उच्चायुक्त आदर्श स्वायका आणि उप-नौसेनाध्यक्ष कृष्णा स्वामीनाथन यांनी केनियाचे संरक्षण सचिव पॅट्रिक मारिरू यांची भेट घेतली. या चर्चेत दोन्ही देशांनी संरक्षण सहकार्य वाढवण्यावर भर दिला.

२४६ कोटींची दहिसर नदी पुनरुज्जीवन योजना अंतिम टप्प्यात

भावना दुखावण्याचा माझा उद्देश नव्हता… खर्गेंची माफी

पश्चिम आशिया तणाव: RBI गव्हर्नरांनी दिला ५ मोठ्या धोक्यांचा इशारा

होर्मुझ नियंत्रण, नुकसान भरपाई; काय आहे इराणचा १०-कलमी प्रस्ताव?

याच अनुषंगाने, त्वरित प्रभाव प्रकल्पांतर्गत केनिया संरक्षण दलांना १.५ टेस्ला क्षमतेची एमआरआय मशीन देण्यासाठी करार करण्यात आला. मोम्बासा येथे आयोजित कार्यक्रमात उप-नौसेनाध्यक्ष कृष्णा स्वामीनाथन यांनी केनिया नौदलाचे कमांडर मेजर जनरल पॉल ओटिएनो यांना १०० INSAS रायफल्स आणि ५०,००० गोळ्या सुपूर्द केल्या.