अमेरिकेसाठी नव्या युद्धपर्यायांचा इराणकडून इशारा

इराण आणि अमेरिका यांच्यातील तणाव पुन्हा एकदा तीव्र झाला आहे. इराणचे मुख्य वाटाघाटी प्रतिनिधी आणि संसद अध्यक्ष मोहम्मद बाकेर गालिबाफ यांनी स्पष्टपणे सांगितले की, तेहरान कोणत्याही प्रकारच्या दबावाखाली चर्चा करणार नाही.

त्यांनी असा आरोप केला की, वॉशिंग्टन चर्चा प्रक्रियेला शरणागतीच्या टप्प्यामध्ये बदलण्याचा प्रयत्न करत आहे आणि इशारा दिला की परिस्थिती बिघडल्यास इराण युद्धभूमीवर नवे पर्याय उघडण्यास तयार आहे.

सोशल मीडिया प्लॅटफॉर्म एक्सवर केलेल्या पोस्टमध्ये गालिबाफ यांनी अमेरिकेच्या धोरणांवर तीव्र टीका केली. त्यांचे हे विधान अशा वेळी आले आहे, जेव्हा अमेरिकेचे राष्ट्राध्यक्ष डोनाल्ड ट्रम्प यांनी २२ एप्रिलच्या मुदतीपूर्वी कठोर भूमिका घेत चेतावणी दिली आहे. ट्रम्प म्हणाले, 'जर कोणताही तोडगा निघाला नाही, तर मग हल्ले पुन्हा सुरू होतील.' त्यांच्या या विधानामुळे परिस्थिती अधिक गंभीर झाली आहे.

अमेरिकेने असेही संकेत दिले आहेत की, इराण सहभागी झाला किंवा नाही तरीही प्रस्तावित चर्चेत ते सहभागी होणार आहेत. मात्र, तेहरानच्या सहभागाबाबत अद्याप अनिश्चितता कायम आहे. अहवालानुसार, ईरानी राज्य माध्यमांनी संकेत दिले आहेत की अमेरिकेच्या अतिशय अवास्तव मागण्या आणि अस्पष्ट भूमिकेमुळे इराण या बैठकीपासून दूर राहू शकतो. इराण च्या अणुकार्यक्रमाबाबतचा वाद आणि होर्मुज सामुद्रधुनीतील सुरू असलेल्या व्यत्ययांच्या पार्श्वभूमीवर हा तणाव अधिकच वाढला आहे. हा मार्ग जागतिक ऊर्जा पुरवठ्यासाठी अत्यंत महत्त्वाचा मानला जातो.

दरम्यान, इराणचे परराष्ट्र मंत्री अब्बास अराघची यांनीही अमेरिकेवर भडकावू कृती आणि वारंवार युद्धविरामाचे उल्लंघन केल्याचा आरोप केला आहे. पाकिस्तानचे परराष्ट्र मंत्री इशाक डार यांच्यासोबतच्या चर्चेत त्यांनी म्हटले की, या घटना चर्चेसाठी सर्वात मोठा अडथळा ठरत आहेत. त्यांनी असेही सांगितले की, सर्व बाबींचा आढावा घेतल्यानंतरच इराण पुढील निर्णय घेईल.

जर्मनीतील गुरुद्वारात संघर्ष; शस्त्रांसह ४० जण भिडले

एनजीओच्या आडून धर्मांतर, लैंगिक शोषणाचा प्रकार; रियाज काजी अटकेत

मणिपूरमधून शस्त्रास्त्रे आणि स्फोटकांचा साठा जप्त

जागतिक ॲथलेटिक्स रिले चॅम्पियनशीपसाठी हर्ष राऊतची निवड

याचवेळी, इराण चे राष्ट्राध्यक्ष मसूद पेजेशकियन यांनीही अमेरिकेबाबतचा खोल अविश्वास पुन्हा व्यक्त केला. त्यांनी म्हटले की, 'कोणतीही अर्थपूर्ण चर्चा होण्यासाठी दिलेल्या वचनांचे पालन आवश्यक आहे. इराण मध्ये अमेरिकन सरकारच्या हालचालींबाबत आधीपासूनच अविश्वास आहे, आणि अमेरिकन अधिकाऱ्यांकडून मिळणारे चुकीचे व विरोधाभासी संकेत एक कटू संदेश देतात—ते इराण कडून शरणागतीची अपेक्षा करतात. मात्र, इराणी जनता दबावापुढे झुकणारी नाही.'