या घोषणांमुळे धार्मिक भावना दुखावल्याचा आणि विविध समुदायांमध्ये तेढ निर्माण होण्याची शक्यता असल्याचा आरोप करण्यात आला आहे. या कारवाईमुळे गोव्यातील राजकीय वातावरण तापण्याची शक्यता आहे.
११ ऑक्टोबर रोजी पणजीतील आझाद मैदान परिसरात कॉकरोच जनता पार्टीच्या (CJP) कार्यकर्त्यांनी आंदोलन केले होते. मुख्य निवडणूक आयुक्त ज्ञानेश कुमार यांच्या राजीनाम्याची मागणी करत हे आंदोलन करण्यात आले. मतदार यादीच्या विशेष सखोल पुनरीक्षण प्रक्रियेत (SIR) कथित अनियमितता झाल्याचा आणि मतदारांची नावे वगळण्यात आल्याचा आरोप आंदोलकांनी केला होता. या आंदोलनादरम्यान 'हिंदुत्व मुर्दाबाद' अशा घोषणा दिल्याचा आरोप पुढे आल्यानंतर प्रकरणाला धार्मिक वळण मिळाले.

भारतातून पळाल्यावर ध्रूव राठीचे लंडनमध्ये आंदोलन

योगी आदित्यनाथ, भाजपा एनडीएला उत्तरप्रदेशात पसंती

सप्टेंबरमध्ये २.०४ लाख कोटींचा महसूल जमा, महाराष्ट्राची आघाडी कायम
ताळेगाव येथील रहिवासी रामप्रसाद केळकर यांनी याप्रकरणी पोलिसांत तक्रार दाखल केली. आंदोलनाचा व्हिडिओ समाजमाध्यमांवर पाहिल्यानंतर त्यांनी ही तक्रार केल्याचे सांगण्यात आले. त्यानंतर पोलिसांनी भारतीय न्याय संहितेच्या कलम १९६ आणि २९९ अंतर्गत गुन्हा नोंदवला. संबंधित कलमे विविध समुदायांमध्ये वैमनस्य निर्माण करणे आणि धार्मिक भावना जाणीवपूर्वक दुखावण्याशी संबंधित आहेत.
दरम्यान, आंदोलनासाठी परवानगी नाकारण्यात आल्यानंतरही आंदोलकांनी आझाद मैदानात प्रवेश करण्याचा प्रयत्न केल्याने पोलिसांनी सात जणांना ताब्यात घेतले होते. त्यानंतर मुंबई उच्च न्यायालयाच्या गोवा खंडपीठातील सुनावणीनंतर त्यांची सुटका करण्यात आली. या घटनेची चौकशी सुरू असून, आंदोलनादरम्यान नेमक्या कोणत्या घोषणा देण्यात आल्या आणि त्यासाठी कोण जबाबदार होते, याचा तपास पोलिसांकडून केला जात आहे.