यासोबतच आपल्या भाषणात, ट्रम्प यांनी अधिक लष्करी संघर्ष होण्याची शक्यता वर्तवली आणि अमेरिका इराणला पुन्हा पाषाणयुगात घेऊन जाईल असे म्हटले; त्याच वेळी, आपले कर्मचारी इराणी अधिकाऱ्यांच्या संपर्कात असल्याचे सांगून त्यांनी राजनैतिक चर्चेसाठी वावही ठेवला. 'ऑपरेशन एपिक फ्युरीच्या सुरुवातीपासूनच आम्ही सांगत आलो आहोत की, आमची उद्दिष्ट्ये पूर्णपणे साध्य होईपर्यंत आम्ही प्रयत्न सुरूच ठेवू. आम्ही केलेल्या प्रगतीमुळे, मी आज रात्री सांगू शकतो की, आम्ही अमेरिकेची सर्व लष्करी उद्दिष्ट्ये लवकरच, पूर्ण करण्याच्या मार्गावर आहोत,' असे राष्ट्राध्यक्ष ट्रम्प म्हणाले.

अमेरिकेच्या राष्ट्राध्यक्षांनी अमेरिकेच्या लष्करी मोहिमेमागील चार प्रमुख उद्दिष्ट्ये स्पष्ट केली: इराणची आक्रमक क्षेपणास्त्र क्षमता नष्ट करणे, त्याच्या क्षेपणास्त्र उत्पादन प्रणाली मोडीत काढणे, त्याचे नौदल आणि व्यापक सुरक्षा यंत्रणा निष्प्रभ करणे, आणि इराणला कधीही अण्वस्त्रे मिळवता येणार नाहीत याची खात्री करणे.

ट्रम्प यांनी असा इशाराही दिला की, वॉशिंग्टन पुढील दोन ते तीन आठवड्यांत इराणवर अत्यंत कठोर असा हल्ला करेल आणि त्या देशाला 'पाषाण युगात' परत घेऊन जाईल. याव्यतिरिक्त, ट्रम्प यांनी दावा केला की इराणची लष्करी क्षमता लक्षणीयरीत्या कमकुवत झाली आहे, त्यांचे नौदल नष्ट झाले आहे आणि हवाई दल उध्वस्त झाले आहे. त्यांनी पुढे असेही म्हटले की इराणचे बहुतेक नेतृत्व संपवण्यात आले आहे.

भारत इलेक्ट्रॉनिक्सला संरक्षण, एव्हियोनिक्स, संप्रेषण उपकरणांसाठी ₹६,७९५ कोटींच्या नव्या ऑर्डर्स

सात वर्षांनंतर भारतात पोहचणार इराणी कच्चे तेल

१९८४ शीखविरोधी दंग्यांच्या पीडितांचे वकील एच. एस. फुलका भाजपमध्ये

जवानांच्या वेतन वितरणात गोंधळ, लष्करी रुग्णालयांची स्थिती चिंताजनक

अमेरिकेच्या पूर्वीच्या लष्करी मोहिमांशी तुलना करताना ट्रम्प यांनी नमूद केले की, पूर्वीची युद्धे अनेक वर्षे किंवा दशके चालली, तर इराणमधील सध्याची मोहीम सुरू होऊन केवळ एक महिन्यापेक्षा थोडा जास्त काळ झाला आहे. 'पहिल्या महायुद्धात अमेरिकेचा सहभाग एक वर्ष, सात महिने आणि पाच दिवस होता. दुसरे महायुद्ध तीन वर्षे, आठ महिने आणि २५ दिवस चालले. कोरियन युद्ध तीन वर्षे, एक महिना आणि दोन दिवस चालले. व्हिएतनाम युद्ध १९ वर्षे, पाच महिने आणि २९ दिवस चालले. इराकमधील युद्ध आठ वर्षे, आठ महिने आणि २८ दिवस चालले. आपण या लष्करी मोहिमेत ३२ दिवसांपासून आहोत. आणि तो देश पूर्णपणे उध्वस्त झाला आहे आणि मूलतः आता तो कोणताही धोका राहिलेला नाही,' असे ते म्हणाले.