जागतिक बाजारातील नकारात्मक संकेत, वाढत्या कच्च्या तेलाच्या किमती आणि अमेरिकेतील व्याजदर वाढीची शक्यता यामुळे गुंतवणूकदारांचा उत्साह कमी झाला.

बाजार सुरू होताना बीएसई सेन्सेक्स २८४.५२ अंकांनी म्हणजेच ०.३७ टक्क्यांनी घसरून ७६,९७९.९९ अंकांवर होता. तर एनएसई निफ्टी ५० मध्ये ५८.१० अंकांची म्हणजेच ०.२४ टक्क्यांची घसरण होऊन तो २४,११७.५५ अंकांवर आला. अमेरिका आणि इराणमधील संघर्ष पुन्हा तीव्र झाल्याने गुंतवणूकदारांमध्ये चिंता वाढली आहे. अमेरिकेने इराणच्या लाराक बेटावर हल्ला केल्यानंतर इराणकडून जॉर्डनमधील अमेरिकी तळांवर हल्ले करण्यात आल्याचं वृत्त आहे. या संघर्षामुळे होर्मुझ सामुद्रधुनीतील तेल वाहतुकीवर परिणाम होण्याची भीती वाढली आहे. परिणामी कच्च्या तेलाच्या किमतीत वाढ झाली असून, याचा थेट दबाव तेल आयात करणाऱ्या भारतासारख्या देशांच्या अर्थव्यवस्थेवर येऊ शकतो.

सोमवारी ब्रेंट क्रूडची किंमत ९० डॉलर प्रति बॅरलच्या वर गेली. कच्च्या तेलाच्या वाढत्या किमतींमुळे भारताचा आयात खर्च, महागाई आणि रुपयावर दबाव वाढण्याची शक्यता बाजारातील गुंतवणूकदारांसाठी चिंतेचा विषय ठरली आहे. यासोबतच अमेरिकन फेडरल रिझर्व्हचे अध्यक्ष केविन वॉर्श यांच्या आक्रमक वक्तव्यामुळेही जागतिक बाजारातील वातावरण बिघडलं आहे. महागाई अपेक्षेप्रमाणे कमी होत नसेल तर व्याजदर आणखी वाढवण्याची गरज पडू शकते, असे संकेत त्यांच्या वक्तव्यांतून मिळाले. त्यामुळे सप्टेंबरच्या बैठकीत अमेरिकन फेडकडून व्याजदर वाढवण्याची शक्यता बाजाराने अधिक गांभीर्याने घेतली आहे.

फेडच्या या भूमिकेमुळे अमेरिकन बाँडवरील परतावा आणि डॉलर मजबूत झाला आहे. याचा परिणाम उदयोन्मुख बाजारांवर होतो. परदेशी गुंतवणूकदारांकडून भांडवल बाहेर जाण्याची शक्यता वाढत असल्याने भारतीय बाजारावरही त्याचा दबाव निर्माण झाला आहे.

जॉर्डनमधील दोन अमेरिकी तळांवर इराणकडून क्षेपणास्त्र हल्ले

अंकित बालियान हत्या प्रकरणातील दोन शुटर्स एन्काऊंटरमध्ये ठार

फोनवर बोलताना भरधाव कारने आठ वर्षीय मुलाला चिरडलं

बटवारा १९४७ वर तारासिंगचा हॅण्डपम्प कोसळला…

दरम्यान, कच्च्या तेलाच्या वाढत्या किमती आणि अमेरिकन फेडकडून व्याजदर वाढीच्या शक्यतेमुळे भारतीय रुपयाची सुरुवातही घसरणीसह झाली. रुपया डॉलरच्या तुलनेत १३ पैशांनी घसरून ९५.५६ वर खुला झाला. अशा परिस्थितीत पश्चिम आशियातील संघर्ष, कच्च्या तेलाच्या किमती, अमेरिकन फेडचा पुढील निर्णय आणि आगामी अमेरिकी रोजगार व महागाईची आकडेवारी यावर भारतीय शेअर बाजाराची पुढील दिशा अवलंबून राहणार आहे.