पंतप्रधान नरेंद्र मोदींचे स्वागत

पंतप्रधान नरेंद्र मोदी हे त्यांच्या दुसऱ्या इस्रायल दौऱ्यासाठी रवाना झाले असून या दोन्ही देशांचे संबंध भक्कम आहेत. या संबंधांना अधिक बळकटी मिळणार असून आणखी नवीन पैलू उलगडले जाण्याची शक्यता वर्तवण्यात येत आहे.

बुधवारी, पंतप्रधान मोदी दुपारी ४ वाजता (भारतीय प्रमाणवेळेनुसार) इस्रायलमध्ये उतरतील. २०१७ नंतर मोदींचा हा पहिलाच इस्रायल दौरा आहे आणि ते इस्रायली पंतप्रधान बेंजामिन नेतान्याहू यांच्यासोबत द्विपक्षीय व्यापार, संरक्षण आणि सुरक्षा सहकार्यावर महत्त्वाच्या चर्चा करतील अशी अपेक्षा आहे. पंतप्रधान इस्रायली संसद, नेसेटला देखील संबोधित करतील. 'भारत- इस्रायल धोरणात्मक भागीदारीत झालेल्या महत्त्वपूर्ण प्रगतीचा आढावा दोन्ही नेते घेतील आणि विज्ञान आणि तंत्रज्ञान, नवोन्मेष, संरक्षण आणि सुरक्षा, शेती, जल व्यवस्थापन, व्यापार आणि अर्थव्यवस्था आणि लोकांमधील देवाणघेवाण यासह सहकार्याच्या विविध क्षेत्रांमध्ये पुढील संधींवर चर्चा करतील. परस्पर हिताच्या प्रादेशिक आणि जागतिक मुद्द्यांवरही नेत्यांचे दृष्टिकोन आदानप्रदान होण्याची अपेक्षा आहे,' असे परराष्ट्र मंत्रालयाने म्हटले आहे.

'अश्लील' सामग्री स्ट्रीमिंग प्रकरणी पाच ओटीटी प्लॅटफॉर्म ब्लॉक

….तर भारत पाक संघर्षत ३.५ कोटी लोक मृत्युमुखी पडतील

'आयकराची जागा टॅरिफ घेईल' सर्वोच्च न्यायालयाच्या न्यायाधीशांसमोर ट्रम्प यांचा दावा

राजकोटमध्ये १,३०० हून अधिक अनधिकृत घरांवर बुलडोझर

इस्रायल- इराण संघर्ष सुरू झाल्यापासून गाझामधील सध्याच्या परिस्थितीवरही दोन्ही नेत्यांमध्ये महत्त्वाची चर्चा होण्याची अपेक्षा आहे. या भेटीपूर्वी, दोन्ही देशांनी दहशतवादाविरुद्ध शून्य सहनशीलतेबाबतची आपली भूमिका पुन्हा एकदा स्पष्ट केली. दोन्ही देशांनी या धोक्याचा सामना करण्यासाठी द्विपक्षीय सहकार्य वाढवण्याचे वचन दिले, ज्यामध्ये गुप्तचर आणि माहितीची देवाणघेवाण वाढवणे समाविष्ट आहे. मंगळवारी दोन्ही देशांनी यावर भर दिला की दहशतवादाचा सामना करण्यासाठी शाश्वत आणि व्यापक पद्धतीने एकत्रित कृती आवश्यक आहे.