संबंधित मुलगी अल्पवयीन असल्याचे स्पष्ट झाल्यानंतर आणि तिने सार्वजनिकरीत्या माफी मागितल्यानंतर हा निर्णय घेण्यात आल्याची माहिती समोर आली आहे.

दिल्लीतील जंतरमंतर येथे झालेल्या आंदोलनादरम्यान संबंधित मुलीचा पंतप्रधानांविरोधात आक्षेपार्ह वक्तव्य केल्याचा व्हिडिओ सोशल मीडियावर व्हायरल झाला होता. त्यानंतर नोएडा पोलिसांनी 'झिरो एफआयआर' नोंदवून प्रकरण पुढील तपासासाठी दिल्ली पोलिसांकडे वर्ग केले होते. सुरुवातीच्या एफआयआरमध्ये संबंधित व्यक्तीचे वय २५ वर्षे नमूद करण्यात आले होते. मात्र, नंतर मुलीने व्हिडिओद्वारे आपण केवळ १५ वर्षांची असल्याचे सांगत आपल्या वक्तव्याबद्दल दिलगिरी व्यक्त केली.

'तन्वी भारताची पुढची सुपरस्टार'

आषाढी वारीत एसटीला ₹४१.१८ कोटींचे उत्पन्न

अन्नसुरक्षेच्या नियमांमध्ये कोणालाही सूट नाही

केरळममध्ये पूर आणि भूस्खलनाचा भीषण कहर; आतापर्यंत ८ जणांचा मृत्यू

दरम्यान, पंतप्रधान नरेंद्र मोदी यांनी काही दिवसांपूर्वी सोशल मीडियावर प्रसिद्ध केलेल्या संदेशात आंदोलनादरम्यान अपशब्द वापरणाऱ्या तरुणांना माफ केल्याचे सांगितले होते. 'शिवीगाळ कोणत्याही समस्येचे समाधान नसते,' असे नमूद करत त्यांनी युवकांना सकारात्मक मार्ग स्वीकारण्याचे आवाहन केले होते. या पार्श्वभूमीवर दिल्ली पोलिसांनी अल्पवयीन मुलीविरुद्ध स्वतंत्र एफआयआर नोंदवू नये, असा निर्णय घेतल्याचे म्हटले जात आहे. त्यामुळे या प्रकरणात तिच्याविरुद्ध पुढील फौजदारी कारवाई होणार नसल्याचे स्पष्ट झाले आहे. याआधी मुलीच्या आईनेही पोलिसांकडे एफआयआर मागे घेण्याची मागणी केली होती. आपल्या मुलीने चूक मान्य करून माफी मागितली असून पंतप्रधानांनीही तिला माफ केल्याबद्दल त्यांनी आभार व्यक्त केले होते.