धुरंधरने लियारीतही केला धमाका

धुरंधर चित्रपटाने जगभरात धूमशान घातले आहे. जगभरात या चित्रपटाचे कौतुक होत असून या चित्रपटात लियारी या पाकिस्तानातील ठिकाणाचा उल्लेख आहे आणि तिथे घडलेले सगळे खुनी राजकारण, हाणामारी, भारतीय गुप्तहेराची कथा हे आपल्याला चित्रपटात पाहायला मिळते.

लियारीतील लोक हिस्सा का मागत आहेत?

धुरंधर २ ने लियारीची ओळख आणि परिस्थितीचा फायदा घेतला आहे, असे रहिवाशांचे म्हणणे आहे. रहिवाशांनी त्या भागातील खराब पायाभूत सुविधांकडे लक्ष वेधले. विशेषतः खराब रस्ते आणि सुविधांचा अभाव लायरीत आहे. चित्रपटाच्या व्यावसायिक यशाचा प्रत्यक्ष फायदा समुदायाला मिळायला हवा. काही स्थानिकांनी असा अंदाज व्यक्त केला की, ७०-८० टक्के कमाई ही आम्हाला मिळायला हवी.

दिग्दर्शक आदित्य धर यांच्या या चित्रपटात एका भारतीय गुप्तचर अधिकाऱ्याची कथा आहे, जो लियारीतील गुन्हेगारी नेटवर्कमध्ये काम करताना गुप्त मोहिम पार पाडतो. कथा त्याच्या अंडरवर्ल्डमधील प्रवास आणि उन्नती दाखवते.

या चित्रपटात अर्जुन रामपाल, राकेश बेदी, संजय दत्त, आर. माधवन, सारा अर्जुन यांच्या प्रमुख भूमिका आहेत. हा सिक्वेल भलताच यशस्वी होत आहे. धुरंधरच्या पहिल्या भागातून १,३०० कोटी रुपयांची कमाई केली होती.

निर्मात्यांची प्रतिक्रिया काय?

आतापर्यंत यासंदर्भात आदित्य धर किंवा चित्रपटाच्या निर्मात्यांनी कोणतीही प्रतिक्रिया दिलेली नाही.