मात्र, सीमा सुरक्षा दलाच्या अर्थात बीएसएफच्या जवानांनी प्रसंगावधान राखत तातडीने बचावकार्य सुरू केलं आणि एका बाळासह सर्व १० जणांना सुरक्षित बाहेर काढलं. या घटनेमुळे काही काळ नदी परिसरात मोठी खळबळ उडाली होती.

मिळालेल्या माहितीनुसार, पद्मा नदीत अचानक मोठ्या लाटा आणि पाण्याचा जोरदार प्रवाह निर्माण झाल्याने प्रवासी असलेली बोट उलटली. बोट उलटल्यानंतर त्यातील प्रवासी नदीच्या वेगवान प्रवाहात वाहून जाऊ लागले. जीव वाचवण्यासाठी त्यांनी पोहत सुरक्षित दिशेने जाण्याचा प्रयत्न केला. याचदरम्यान बीएसएफच्या जवानांच्या नजरेस नदीत अडकलेले हे नागरिक पडले. परिस्थितीचे गांभीर्य लक्षात घेऊन जवानांनी क्षणाचाही विलंब न करता बचावकार्य सुरू केलं.

पंजाबमध्ये गायक गुलाब सिद्धू यांच्या घरावर तुफान गोळीबार

सिक्कीममध्ये भूस्खलनाचा मोठा तडाखा

महत्त्वाच्या खनिजांचा शस्त्र म्हणून वापर प्रगतीला अडथळा !

लालगोला येथील तारानगर भागातून बीएसएफने तातडीने स्पीड बोट रवाना केली. जवानांनी नदीत अडकलेल्या सर्व प्रवाशांपर्यंत पोहोचत त्यांना सुरक्षितपणे किनाऱ्यावर आणलं. या १० नागरिकांमध्ये एका लहान बाळाचाही समावेश होता. नदीचा वेगवान प्रवाह आणि बोट उलटल्यानंतर निर्माण झालेली परिस्थिती पाहता बचावकार्य अत्यंत आव्हानात्मक होतं. मात्र, बीएसएफच्या जवानांच्या तत्परतेमुळे मोठी दुर्घटना टळली.

बचाव केल्यानंतर सर्व १० जणांना स्थानिक रुग्णालयात नेण्यात आलं. तिथे त्यांची वैद्यकीय तपासणी करून प्राथमिक उपचार करण्यात आले. प्रकृती स्थिर झाल्यानंतर बीएसएफने संबंधित यंत्रणांशी समन्वय साधत या सर्व नागरिकांना सुरक्षितपणे बांगलादेशात परत पाठवलं. हे सर्वजण बांगलादेशातील चापैनवाबगंज जिल्ह्यातील रहिवासी असल्याचं समोर आलं आहे.

पद्मा नदीच्या वेगवान प्रवाहात बोट उलटल्यानंतर काही क्षणांतच १० जणांचा जीव धोक्यात आला होता. मात्र, बीएसएफच्या वेळीच झालेल्या हस्तक्षेपामुळे मोठी जीवितहानी टळली. विशेषतः एका बाळासह सर्व प्रवाशांना सुरक्षित बाहेर काढण्यात आल्याने या बचावकारवाईचं महत्त्व अधोरेखित झालं आहे.