या घटनेमुळे परिसरात काही वेळ तणावाचे वातावरण निर्माण झाले होते, मात्र पोलिसांच्या सतर्कतेमुळे परिस्थिती ताबडतोब नियंत्रणात आणण्यात आली.

पोलिसांनी दिलेल्या माहितीनुसार, दुर्गा मूर्ती विसर्जन मिरवणूक एका विशिष्ट समुदायाच्या घरांसमोरून जात असताना तिथे 'गुलाल' उधळण्यावरून वाद निर्माण झाला. मिरवणुकीत गुलाल उधळण्यावर काही लोकांनी आक्षेप घेतला. यावरून दोन्ही समुदायांच्या लोकांमध्ये शाब्दिक बाचाबाची झाली आणि पाहता पाहता या वादाला गंभीर स्वरूप मिळून किरकोळ दगडफेकीच्या घटना घडल्या. याप्रकरणी चार जणांवर गुन्हा दाखल करण्यात आला असून चारही आरोपी फरार आहेत. पोलिसांकडून त्यांचा शोध सुरू आहे.

घुसखोरीचा प्रयत्न करणाऱ्या पाच बांगलादेशी नागरिकांना अटक

'रामायण'ची ऍडव्हान्स बुकिंगमध्ये ४.८८ कोटींची कमाई

ज्ञानेश कुमारांविरोधातील आंदोलनाची हवा सोशल मीडियावर मंदावली?

ज्ञानेशकुमार प्रकरणावर बोलण्यास रुबिओंचा स्पष्ट नकार

वाशीमचे उपविभागीय पोलीस अधिकारी रामकृष्ण पवार यांनी दिलेल्या माहितीनुसार, या घटनेत कोणतीही तोडफोड किंवा घरे, वाहनांचे नुकसान झालेले नाही. पोलिसांनी तातडीने हस्तक्षेप करून परिस्थिती नियंत्रणात आणली आणि परिसरात शांतता प्रस्थापित केली. घटनेची गंभीर दखल घेत पोलिसांनी तात्काळ पावले उचलत परिसरात कडेकोट बंदोबस्त तैनात केला आहे. सध्या वाशीममध्ये पोलीस दलासह राज्य राखीव पोलीस दल (SRPF) आणि रॅपिड अ‍ॅक्शन फोर्स (RAF) चे जवान तैनात करण्यात आले असून परिस्थिती पूर्णपणे नियंत्रणात आहे. या प्रकरणी दोन्ही बाजूंविरुद्ध एफआयआर (FIR) नोंदवण्याची प्रक्रिया सुरू असून कायदेशीर कारवाई केली जात आहे.