मध्यपूर्वेतील तणावामुळे कच्च्या तेलाच्या किमती वाढल्या
मध्यपूर्वेत सुरू असलेल्या भीषण संघर्षात आतापर्यंत इराणमध्ये ५५५ जणांचा मृत्यू झाला असून शेकडो लोक जखमी झाले आहेत, अशी माहिती इराणच्या राज्य माध्यमांनी दिली आहे.
हे मृत्यू अमेरिका आणि इस्रायल यांनी सुरू केलेल्या हवाई हल्ल्यांनंतर झाले आहेत. राजधानी तेहरानसह अनेक शहरांमध्ये स्फोट झाले असून लष्करी तळ, क्षेपणास्त्र केंद्रे आणि शासकीय इमारतींना मोठे नुकसान झाले आहे. अमेरिका आणि इस्रायलने इराणच्या अणु आणि क्षेपणास्त्र कार्यक्रमावर आळा घालण्यासाठी ही कारवाई केल्याचे म्हटले आहे. अमेरिकेचे राष्ट्राध्यक्ष डोनाल्ड ट्रम्प यांनी ही कारवाई आवश्यक असल्याचे सांगितले, तर इराणचे सर्वोच्च नेते अली खामेनी यांनी हे उघड युद्ध असल्याची प्रतिक्रिया दिली आहे. इराणने प्रत्युत्तरादाखल इस्रायलच्या दिशेने ड्रोन आणि क्षेपणास्त्रे डागल्याचा दावा केला आहे.
नरेंद्र मोदी- कॅनेडियन पंतप्रधान मार्क कार्नी भेट किती महत्त्वाची?
निदर्शनांनंतर पाकिस्तानमधील अमेरिकन दूतावासातील व्हिसा प्रक्रिया स्थगित
इराण रिव्होल्यूशनरी गार्डचे मुख्यालय अमेरिकेकडून उध्वस्त!
या हल्ल्यांमुळे केवळ इराण आणि इस्रायलपुरता संघर्ष मर्यादित राहिलेला नाही. खाडी देशांमध्येही सतर्कतेचा इशारा देण्यात आला आहे. दुबईमध्ये काही ठिकाणी धुराचे लोट दिसल्याच्या बातम्या समोर आल्या आहेत. अनेक देशांनी आपले हवाई क्षेत्र बंद केले असून शेकडो उड्डाणे रद्द करण्यात आली आहेत. त्यामुळे हजारो प्रवासी अडकले आहेत.
दरम्यान, पाकिस्तानसह काही देशांमध्ये या कारवाईविरोधात निदर्शने झाली आहेत. संयुक्त राष्ट्रसंघाने दोन्ही बाजूंना संयम बाळगण्याचे आणि तात्काळ युद्धविरामाचे आवाहन केले आहे. मात्र दोन्ही बाजूंनी कठोर भूमिका घेतल्याने संघर्ष आणखी तीव्र होण्याची भीती व्यक्त केली जात आहे.
या संघर्षाचा जागतिक अर्थव्यवस्थेवरही परिणाम दिसू लागला आहे. मध्यपूर्वेतील तणावामुळे कच्च्या तेलाच्या किमती वाढल्या आहेत. शेअर बाजारात अस्थिरता निर्माण झाली आहे. तज्ज्ञांच्या मते, जर हा संघर्ष दीर्घकाळ चालला तर त्याचे परिणाम जगभर जाणवू शकतात.
सध्या परिस्थिती अत्यंत गंभीर आहे. पुढील काही दिवसांत लष्करी हालचाली आणि आंतरराष्ट्रीय दबाव यावर या संघर्षाचे भवितव्य अवलंबून राहणार आहे. जगभरातील देश परिस्थितीवर बारकाईने लक्ष ठेवून आहेत.