प्रशासनाकडून मदतकार्य युद्धपातळीवर सुरू
उत्तर प्रदेशात गेल्या काही दिवसांपासून सुरू असलेल्या मुसळधार पाऊस, वादळी वारे आणि विजांच्या कडकडाटामुळे मोठी जीवितहानी झाली आहे. राज्यातील विविध जिल्ह्यांमध्ये वीज कोसळणे, झाडे उन्मळून पडणे आणि घरांचे नुकसान अशा घटना घडल्या असून आतापर्यंत तब्बल १०४ जणांचा मृत्यू झाला आहे.
अनेक जण जखमी झाले असून प्रशासनाकडून मदत आणि बचावकार्य युद्धपातळीवर सुरू आहे.
राज्यातील पूर्वांचल आणि मध्य उत्तर प्रदेशातील अनेक भागांमध्ये अचानक हवामान बदलल्याने नागरिकांना मोठा फटका बसला. जोरदार वादळी वाऱ्यांमुळे अनेक ठिकाणी वीजपुरवठा खंडित झाला, तर शेतीचेही मोठे नुकसान झाले आहे. शेतकऱ्यांच्या उभ्या पिकांवर पावसाचा आणि गारपिटीचा परिणाम झाला असून अनेक गावांमध्ये पाणी साचल्याने जनजीवन विस्कळीत झाले आहे.
इंग्लंडचा स्टार मिडफिल्डर, ज्याच्या सन्मानार्थ क्लबने '२२ नंबर' जर्सीच रिटायर केली
टी-२० वर्ल्ड कप जिंकवणारे स्टार IPL 2026 मध्ये फ्लॉप! संघांसाठी डोकेदुखी वाढली
सोनं-चांदी पुन्हा तेजीत; दरवाढीने बाजारात खळबळ
मुख्यमंत्री योगी आदित्यनाथ यांनी परिस्थितीचा आढावा घेत प्रशासनाला तातडीने मदतकार्य करण्याचे आदेश दिले आहेत. मृतांच्या कुटुंबियांना आर्थिक मदत देण्याची घोषणा करण्यात आली आहे. तसेच जखमींवर योग्य उपचार करण्याच्या सूचनाही देण्यात आल्या आहेत. जिल्हाधिकाऱ्यांना सतर्क राहण्याचे आणि प्रभावित भागात तत्काळ मदत पोहोचवण्याचे निर्देश देण्यात आले आहेत.
हवामान विभागाने पुढील काही दिवस राज्यातील काही भागांमध्ये पुन्हा वादळी पाऊस आणि विजांचा इशारा दिला आहे. त्यामुळे नागरिकांनी आवश्यक ती काळजी घ्यावी, खराब हवामानात घराबाहेर पडणे टाळावे आणि सुरक्षित ठिकाणी राहावे, असे आवाहन प्रशासनाकडून करण्यात आले आहे.
या नैसर्गिक आपत्तीमुळे अनेक कुटुंबांवर दु:खाचा डोंगर कोसळला असून राज्यभरातून हळहळ व्यक्त केली जात आहे. प्रशासनाकडून नुकसानग्रस्तांना मदत करण्यासाठी प्रयत्न सुरू असले तरी हवामानातील अचानक बदलामुळे नागरिकांमध्ये भीतीचे वातावरण निर्माण झाले आहे.