नवी दिल्ली : हरियाणातील नूह येथे पर्यटकांच्या बसला शुक्रवारी (ता. १७) मध्यरात्री दीडच्या सुमारास लागलेल्या आगीत आठ भाविकांचा होरपळून मृत्यू तर २४ जण गंभीर जखमी झाले आहेत. नूह जिल्ह्यातील तवाडू उपविभागाच्या सीमेवरून जाणाऱ्या कुंडली मानेसर पलवल एक्सप्रेसवेवर हा अपघात झाला.
सर्व भाविक धार्मिक स्थळांच्या दर्शनासाठी बाहेर पडले होते आणि बनारस आणि वृंदावन येथून परतत होते. याच दरम्यान हा अपघात झाला. आगीची माहिती मिळताच अग्निशमन दलाच्या गाड्याही घटनास्थळी दाखल झाल्या. शिवाय, स्थानिक नागरिकांनीही आगीवर नियंत्रण मिळवण्याचा प्रयत्न केला. आग आटोक्यात येईपर्यंत बसमधील अनेक भाविक होरपळले होते.
बसमधील प्रवासी असलेल्या सरोज पुंज आणि पूनम या पीडित भाविकांनी सांगितले की, ‘एक बस भाड्यानं घेतली होती. या बसमधून सर्व भाविक बनारस आणि मथुरा वृंदावनला भेट देण्यासाठी गेले होते. बसमध्ये महिला आणि लहान मुलांसह 60 जण होते. हे सर्वजण जवळचे नातेवाईक होते, जे पंजाबमधील लुधियाना, होशियारपूर आणि चंदीगड येथील रहिवासी होते. शुक्रवार-शनिवारी रात्री दर्शन घेऊन ते परतत होते. रात्री उशिरा दीड वाजण्याच्या सुमारास बसने अचानक पेट घेतला. त्यानंतर स्थानिकांच्या मदतीने त्या बसमधून बाहेर आल्या.’
The post भाविकांच्या बसला लागलेल्या आगीत 8 जणांचा होरपळून मृत्यू… appeared first on पोलीसकाका | POLICEKAKA.