बीडमध्ये 170 जागांसाठी भरती प्रकिया होत आहे. यासाठी 8400 उमेदवारांनी अर्ज दाखल केले आहेत. बीडमध्ये पोलिस भरतीसाठी पोलिसांचा मोठा बंदोबस्त असून उमेदवारांची कसून तपासणी सुरु आहे. मांडवजाळीचा सुनील बहिरवाळ (वय 24) हा युवक मैदानी चाचणीसाठी उत्तेजित द्रव्याचं इंजेक्शन घेऊन आला होता. पोलिसांनी त्याला मैदानात सोडताना त्याची तपासणी केली. यावेळी त्याच्या बॅगमध्येही उत्तेजित द्रव्याचे इंजेक्शन पोलिसांना आढळून आले. या प्रकरणामुळे खळबळ उडाली असून शिवाजी नगर पोलिस ठाण्यात याप्रकरणी गुन्हा दाखल करण्याची प्रक्रिया सुरु आहे. मैदानी चाचणीपूर्वी स्नायूंची ताकद वाढवण्यासाठी उत्तेजित द्रव्याचे इंजेक्शन काही उमेदवार वापरताना दिसतात.

दरम्यान, महाराष्ट्रात 19 जून ते 28 जून अशी एकूण 10 दिवस पोलिस भरती प्रक्रिया चालणार आहे. सर्व भरती प्रक्रिया ही सीसीटीव्हीच्या निगराणीत होत आहे. विशेष म्हणजे निकाल तात्काळ जाग्यावराच सांगितले जाणार आहेत.