यानंतर तुरुंगातील सुरक्षारक्षक घटनास्थळी दाखल झाले. त्यांनी जखमी कैद्याला रुग्णालयात उपचारासाठी दाखल केले आहे. याप्रकरणी चावा घेणाऱ्या कैद्यावर धंतोली पोलीस ठाण्यात गुन्हा दाखल केला आहे.

कृष्णा रमेश तिवारी (वय २६, रा. अंबाझरी) असे गुन्हा दाखल झालेल्या कैद्याचं नाव आहे. शुभम ठाकूर असे जखमी कैद्याचे नाव असून, त्याच्यावर सध्या कारागृहातील रुग्णालयात उपचार सुरू आहेत. शुभम ठाकूर हा बरॅकमध्ये झोपला होता. यावेळी आरोपी कैदी कृष्ण तिवारी तिथे आला. त्याने मोठ्याने आरडाओरड करत त्याला उठवले. झोपमोड झाल्याने चिडलेल्या शुभमने कृष्णाला चापट मारली. त्यानंतर दोघांमध्ये शिवीगाळ आणि हाणामारी सुरू झाली. हाणामारीच्या दरम्यान आरोपी कृष्ण तिवारीने याने शुभम ठाकुरच्या गुप्तांगावर दाताने चावा घेतला.

गुप्तांगाला घेतलेला चावा इतका भयंकर होता की, यात शुभम गंभीर जखमी झाला. शुभमच्या किंचाळ्या ऐकून सुरक्षारक्षकांनी बरॅकमध्ये धाव घेतली. यावेळी दोघंही एकमेकांना मारहाण करत होते. सुरक्षा रक्षकांनी मध्यस्थी करत दोघांना वेगळे केले. तसेच जखमी शुभम ठाकूर याला तातडीने कारागृहातील रुग्णालयात उपचारासाठी दाखल करण्यात आले. तुरुंगात घडलेल्या या प्रकाराची दखल धंतोली पोलिसांनी घेतली आहे. धंतोली पोलिसांनी मारहाण आणि जीवे मारण्याच्या प्रयत्नाच्या कलमांतर्गत कृष्णा तिवारी याच्यावर गुन्हा दाखल केला आहे. पोलिस पुढील तपास करत आहेत.