त्यापैकी एक मराठीतली आघाडीची अभिनेत्री असून दुसरी बॉलिवूडमध्ये छोट्या-मोठ्या भूमिका साकारणारी अभिनेत्री आहे. पोलिसांनी दोघींचीही ओळख उघड केलेली नाही.

मुंबई पोलिसांनी त्यांना मिळालेल्या गुप्त माहितीच्या आधारावर आणि आवश्यक ती तयारी पूर्ण केल्यानंतर छापा टाकला. या रॅकेटमध्ये अनेक बड्या व्यक्तींचा सहभाग असण्याची शक्यता वर्तवली जात आहे. दोन्ही अभिनेत्री चित्रपटसृष्टीत कार्यरत असून त्यांनी अनेक चित्रपटांमध्ये मुख्य भूमिका साकारल्या आहेत. सुटका करण्यात आलेल्या अभिनेत्रींपैकी एक अभिनेत्री मराठी सिनेसृष्टीतील एक प्रसिद्ध चेहरा आहे, जिनं अनेक चित्रपटांमध्ये मुख्य भूमिका केल्यात, तर दुसरी अभिनेत्री बंगाली आणि हिंदी सिनेमांमध्ये छोट्या आणि 'कॅमिओ' भूमिकांमध्ये झळकलीय. रॅकेट चालवताना रंगेहाथ पकडलेला एजंट प्रत्यक्षात एक 'मेकअप आर्टिस्ट' आहे, जो विविध सेलिब्रिटींसोबत काम करतो. त्यानंच या अभिनेत्रींना या रॅकेटमध्ये ओढले, अशी माहिती पोलीस तपासातून समोर आली आहे. पोलिसांनी आरोपी मेकअप आर्टिस्टला ताब्यात घेतलं असून त्याची कसून चौकशी सुरू आहे.