पुणेः गर्भलिंगचिकित्सेनंतर खाजगी डॉक्टरकडून गर्भपात करुन नकोशीला जमिनीत गाडून टाकले. या प्रकरणात अतिरक्तस्त्रावामुळे २३ वर्षांच्या विवाहितेचा मृत्यू झाला आहे. वडापूरी (ता.इंदापूर) येथे २२ ते २३ सप्टेंबर दरम्यान घडलेल्या या घटनेस कारणीभूत असल्याच्या आरोपावरुन त्या विवाहितेचा पती, सासू व सासरा यांच्यावर गुन्हा दाखल झाला आहे.

पती व सास-याला अटक करण्यात आले आहे. सासु फरार आहे. राहुल भिमराव धोत्रे (वय २८ वर्षे),लक्ष्मी भिमराव धोत्रे, भिमराव उत्तम धोत्रे (वय ५० वर्षे तिघे रा. वडापूरी, ता. इंदापूर) अशी आरोपींची नावे आहेत. ऋतुजा राहुल धोत्रे (वय २३, रा.वडापूरी) असे मृत झालेल्या दुर्देवी विवाहितेचे नाव आहे. या प्रकरणी तिचा भाऊ विशाल शंकर पवार (वय २५, रा.पिंपरद, ता. फलटण जि.सातारा) याने इंदापूर पोलिस ठाण्यात फिर्याद दिली आहे

पोलिसांनी दिलेल्या माहितीनुसार, २०१७ मध्ये ऋतुजा हिचा राहुलबरोबर विवाह झाला होता. विवाहानंतर साधारण एक वर्षभर तिच्या सासरचे लोक तिला व्यवस्थित नांदवत होते. त्यानंतर तिला एक मुलगी झाली. त्या वेळेपासून मुलगा पाहिजे या कारणावरुन तिचा सासरा भिमराव धोत्रे, सासु लक्ष्मी धोत्रे व पती राहुल धोत्रे यांनी तिला त्रास देण्यास सुरुवात केली. सन २०२१ मध्ये तिला मुलगा झाला. मात्र त्यानंतर ही लहान गोष्टीवरून ऋतुजाचा सासरी छळ होत होता. याची माहिती ती वेळोवेळी माहेरी देत होती. सन २०२२ मध्ये यासंदर्भात फलटण पोलिस ठाण्यात तक्रार ही दाखल होती. त्यावेळी तक्रार मागे घ्यायला सांगून ऋतुजाच्या पतीने तिला नांदवण्यासाठी आणले होते. मात्र त्रास बंद झाला नव्हता.

राहुल धोत्रे याने रविवारी (दि.२२) ऋतुजाच्या चुलता दादा पवार यास फोन करुन ती आजारी आहे, तिला बघून जा असा निरोप दिला. त्यामुळे चुलता व चुलती ऋतुजाच्या घरी आले होते. चुलतीला तेथेच ठेवून चुलता रात्री उशीरा त्यांच्या घरी पोहोचला. सोमवारी सकाळी दहा वाजता फिर्यादी विशाल यास राहुलचा फोन आला. ऋतुजाला दवाखान्यात घेवून आलो आहे. तुम्ही कधी येताय असे त्याने सांगितले. फिर्यादीने काय झाले? अशी विचारणा केली असता काही न सांगता राहुलने फोन कट केला. फिर्यादी व त्याचे नातलग इंदापूरला यायला निघाल्यानंतर त्याला त्याच्या चुलत्याचा फोन आला. ऋतुजा ही चार महिन्याची गर्भवती होती. राहुल धोत्रे व इतर आरोपींनी गर्भ तपासुन घेतला. मुलीचा गर्भ असल्याचे समजल्यावर त्यांनी इंदापूर येथील एक खासगी डॉक्टरला बोलावून त्याचे राहते घरी गर्भपात करण्याची गोळ्या औषधे दिली. त्यामुळे ऋतुजा हीचा गर्भपात झाला. लहान चार महिन्याचे स्त्रीजातीचे अर्भक राहुल धोत्रे याने जमिनीत पुरले आहे. त्यानंतर सुध्दा ऋतुजा हीस रक्तस्त्राव होत असल्याने खाजगी डॉक्टरला घरी बोलावून ऋतुजावर उपचार केले, मात्र त्यांचा मृत्यू झाला. अशी माहिती चुलत्याने फिर्यादीस दिली.

सर्वजण अर्ध्या वाटेत असताना राहुलल फोन वरुन फिर्यादीच्या चुलतीने ऋतुजाचा मृत्यू झाल्याचे सांगितले, अशा आशयाच्या फिर्यादीवरुन गुन्हा नोंदवण्यात आला आहे. गर्भलिंग चिकित्सा करण्यास कायद्याने बंदी असल्याच्या पार्श्‍वभूमीवर आरोपी कोठून गर्भलिंग चिकित्सा करुन घेतली. इंदापूरच्या कोणत्या खासगी डॉक्टरने ऋतुजाचा गर्भपात केला या बाबींचा उलगडा होणे आवश्यक आहे. सहाय्यक पोलिस निरीक्षक अरविंद गटकूळ पुढील तपास करत आहेत.

पुणे जिल्हा हादरला! बापानेच केला स्वतःच्या अल्पवयीन मुलीवर लैंगिक अत्याचार…

पुणे जिल्हा हादरला! अनैतिक संबंध, गर्भपाताचा प्रयत्न अन् चिमुकल्यांना जिंवत नदीत फेकलं…

पुणे जिल्हा हादरला! विवाहितेचे हातपाय बांधून शेततळ्यात बुडवलं…

पुणे जिल्हा हादरला! मुलींना ड्रग्सचे इंजेक्शन, दारू पाजली अन् लॉजवर अत्याचार…

पुणे हादरलं! प्रेयसीची हत्या करून मृतदेह रिक्षासह आईच्या दारात सोडून प्रियकर फरार…

The post पुणे जिल्ह्यात गर्भपात करुन नकोशीला जमिनीत गाडून अन् आईचाही मृत्यू… appeared first on पोलीसकाका | POLICEKAKA.