बारामती तालुक्यातील रुई येथे मंगळवारी (ता. १६) संध्याकाळी चारच्या सुमारास ही घटना घडली आहे. या अपघातात इंदापूर तालुक्यातील सणसरच्या युवकाचा जागीच मृत्यू झाला. आदित्य आबासाहेब निंबाळकर असे मृत युवकाचे नाव असून तो इंदापूर तालुका काँग्रेसचे अध्यक्ष आबासाहेब निंबाळकर यांचा मुलगा होता.

बारामती तालुक्यातील रुई गावच्या पाटी जवळ हा अपघात घडला. आदित्य हा काटेवाडी कडून रुई मार्गे बारामतीत येत होता. त्याच्या चार चाकी गाडीचे टायर फुटल्याने गाडी पलटी झाली. कार वेगात असल्यामुळे ती एका इमारतीच्या कडेला जाऊन आदळली. यात तो गंभीर जखमी झाला. जखमी अवस्थेत त्याला तातडीने जवळच्या रुग्णालयात दाखल करण्यात आले होते. पण उपचारादरम्यान त्याचा मृत्यू झाला. या घटनेमुळे गावात शोककळा पसरली आहे.