पुणे : पत्नी दुसऱ्या व्यक्तीसोबत राहत असल्याच्या रागातून पतीने पत्नीची हत्या केल्याची धक्कादायक घटना पुणे जिल्ह्यातील वाडेबोल्हाई परिसरात घडली आहे. दागिन्यांच्या देवाणघेवाणीच्या बहाण्याने पतीने पत्नीला भेटायला बोलावले आणि तिथेच तिचा काटा काढला.
या प्रकरणी लोणीकंद पोलिसांनी तत्परतेने कारवाई करत आरोपी पतीला बेड्या ठोकल्या आहेत.
नम्रता शैलेंद्र व्हटकर (वय १९) असे मृत विवाहितेचे नाव आहे. शैलेंद्र प्रकाश व्हटकर (वय ३०, रा. बकोरी) असे अटक करण्यात आलेल्या पतीचे नाव आहे. या हत्याप्रकरणी नम्रताचा प्रियकर शाहरुख दस्तगीर पठाण (वय २३) याने पोलिसांत तक्रार दाखल केली आहे. पोलिसांनी दिलेल्या माहितीनुसार, मयत नम्रता आणि आरोपी शैलेंद्र यांचा दोन वर्षांपूर्वी विवाह झाला होता. मात्र, सहा महिन्यांपूर्वी एका खाजगी कंपनीत काम करत असताना नम्रताची ओळख शाहरुख पठाण याच्याशी झाली आणि त्यांच्यात प्रेमसंबंध निर्माण झाले. पती शैलेंद्र याला माहिती समजल्यानंतर त्यांच्यात सतत खटके उडू लागले. रोजच्या भांडणाला कंटाळून मागील दोन महिन्यांपासून नम्रता पतीचे घर सोडून शाहरुखसोबत लिव्ह-इन रिलेशनशिप मध्ये राहत होती.
पोलिसांच्या उत्कृष्ट तपासाची कहाणी लवकरच पुस्तकातून वाचकांसमोर!
दरम्यान, नम्रताचे सोन्याचे दागिने पतीकडेच होते. २२ जानेवारी रोजी शाहरुख कामावरून परतल्यानंतर नम्रताने त्याला सांगितले की, तिने दागिन्यांसाठी शैलेंद्रला फोन केला होता आणि त्याने ते परत करण्यासाठी वाडेबोल्हाई येथे बोलावले आहे. त्यानुसार नम्रता, शाहरुख आणि त्यांचा मित्र हरिष हे तिघे रात्री साडेनऊच्या सुमारास वाडेबोल्हाई फाटा येथे पोहोचले.
शैलेंद्र याने नम्रताला जोगेश्वरी शाळेच्या मागे बोलावले होते. शाहरुख याला थांबवून नम्रता एकटीच पतीला भेटायला गेली. काही वेळातच तिच्या किंचाळण्याचा आवाज आल्याने शाहरुखने तिकडे धाव घेतली. त्यावेळी शैलेंद्र आपल्या पत्नीच्या गळ्यावर आणि चेहऱ्यावर चाकूने सपासप वार करत असल्याचे त्याला दिसले. शाहरुखला पाहताच आरोपीने हत्यार आणि आपली दुचाकी तिथेच टाकून पळ काढला. रक्ताच्या थारोळ्यात पडलेल्या नम्रताला तातडीने वाघोलीतील रुग्णालयात नेण्यात आले, परंतु डॉक्टरांनी तिला मृत घोषित केले. या घटनेनंतर लोणीकंद पोलिसांनी वेगाने चक्रे फिरवत आरोपी पतीला अटक केली असून पुढील तपास वरिष्ठ पोलिस निरीक्षक सर्जेराज कुंभार यांच्या मार्गदर्शनाखाली सुरू आहे.
नागपूर हादरलं! एकतर्फी प्रेमातून विवाहित शेजाऱ्याने युवतीला संपवलं अन्…
गोवा हादरला! रशियन आरोपीचे पोलिस तपासात चक्रवून टाकणारे दावे, मैत्री, प्रेम अन्…
कोल्हापूर! प्रेमी युगुलाची घनदाट जंगलात गळफास लावून आत्महत्या…
पोलिस आत्महत्या! प्रेमाचे दोन शब्द कधी तरी बोलली असती, तर..
प्रेम! प्रियकराच्या मृतदेहासोबत केलं लग्न; आयुष्यभर तुझीच राहिल…