सेवानिवृत्त शिक्षक बिरबल प्रसाद (वय ७६) याची पत्नी सुमती सिन्हाची हत्या केली आहे. आरोपी बिरबलने कुटुंबातील इतर सदस्यांना खोलीत बंद करून हे कृत्य केले आहे. दुपारी एक वाजण्याच्या सुमारास मुलगा खासगी शाळेतून घरी आला असता घरात रक्त पाहून धक्का बसला. बिरबलने सून आणि नातवासह गावकऱ्यांना हातात धारदार शस्त्र घेऊन धमकावण्यास सुरुवात केली. या घटनेची माहिती मिळताच मेहंदिया पोलिसांनी घटनास्थळ गाठून मारेकऱ्याला अटक केली. पोलिसांनी घटनास्थळावरून धारदार शस्त्र जप्त केले आहे.

पोलिस अधिकारी राजेंद्र कुमार भील यांनी सांगितले की, ‘सेवानिवृत्त शिक्षक बिरबल प्रसाद याला अटक करण्यात आली असून त्याने पत्नीचे 57 तुकडे केल्याचा दावा केला आहे. त्याला न्यायालयीन कोठडी सुनावण्यात आली आहे.’ आरोपी बिरबल प्रसादने सांगितले की, लग्नाला 57 वर्षे झाली होती, त्यामुळे त्याने पत्नीचे एकूण 57 तुकडे केले. पत्नी सुमतीचे अनैतिक संबंध असल्याचे समजल्यानंतर हत्या केली.’ दरम्यान, या घटनेमुळे परिसरात खळबळ उडाली आहे.