सोलापूर: एका नामवंत खाजगी शाळेतील 56 वर्षीय शिक्षकाकडून अल्पवयीन विद्यार्थिनीचा विनयभंग करण्यात आल्याची संतापनजक घटना घडली आहे. शाळेच्या पार्किंगमध्ये हा प्रकार घडला आहे. या प्रकरणी आरोपी शिक्षकाविरोधात अल्पवयीन मुलीचा विनयभंग केल्याने पोस्कोसह विविध कलमान्वये गुन्हा दाखल करण्यात आला आहे.
सोलापुरातील सदर बझार पोलिस ठाण्यात गुन्हा नोंद करण्यात आला असून, पोलिस पुढील तपास करीत आहेत.
सोलापूरमधील एका नामवंत खाजगी शाळेत 19 एप्रिल ते 3 जुलैच्या दरम्यान ही घटना घडली आहे. शाळेच्या पार्किंगमध्ये शिक्षकाने हे कृत्य केलं आहे. या प्रकरणाची माहिती मिळताच आरोपी शिक्षकाविरोधात अल्पवयीन मुलीचा विनयभंग केल्याने पोस्कोसह विविध कलमान्वये गुन्हा दाखल केला आहे. शिक्षकाने अल्पवयीन विद्यार्थीनीला धमक्या देखील दिल्या होत्या, त्यामुळे ती विद्यार्थींनी घाबरली होती. तुला काही ज्ञान नाही, तू काही कामाची नाहीस, तु दहावीला आहे, आता तु चांगली सापडली आहेस अशा अनेक प्रकारे पीडित विद्यार्थ्यांनीला धमक्या दिल्या होत्या.
दरम्यान, मुख्याध्यापकांच्या ही बाब लक्षात येताच त्यांच्या सल्ल्याने गुन्हा दाखल करण्यात आला आहे. पोलिस पुढील तपास करीत आहेत.
