छोट्या सुंदर खोब्रागडे असे या आरोपीचे नाव असून, पोलिसांनी त्याला अटक केली आहे.

नागपुरातील खाणी परिसरात एक घोडेस्वारी अकादमी आहे. सुरक्षा रक्षकाने 17 मे रोजी रात्रीच्या वेळी या अकादमीच्या आवारात एक संशयास्पद व्यक्ती पाहिली आणि अकादमी संचालकांना माहिती दिली. त्यानंतर सीसीटीव्ही फुटेज तपासण्यात आले. त्यामध्ये आरोपीने अकादमीमध्ये प्रवेश केला आणि तिथल्या एका घोडीवर बलात्कार केला.

नागपूर पोलिसांनी या घृणास्पद कृत्याला गांभीर्याने घेत आरोपीविरुद्ध भारतीय न्याय संहिता आणि प्राण्यांवरील क्रूरता प्रतिबंधक कायद्याच्या कलमांखाली गुन्हा दाखल केला आहे. सध्या आरोपी पोलिस कोठडीत आहे आणि तपास सुरू आहे. दरम्यान, प्राणी हक्क कार्यकर्त्यांनी या घटनेवर तीव्र संताप व्यक्त केला आहे आणि आरोपीला कठोर शिक्षा देण्याची मागणी केली.